1 Mga Hade 17:13 - Marahay na Bareta Biblia

¹³ “Dai ka mahadit,” an sabi saiya ni Elias. “Magpuli ka na dangan andamon mo an saimong pagkakan. Alagad gumibo ka ngona nin sadit na tinapay asin darahon mo sako dangan andamon mo an natada para sa saimo asin sa saimong aking lalaki.

1 Mga Hade 17:13 ပူးပေါင်းရင်းမြစ်များ

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

1 Mga Hade 17:12

Nagsimbag an balo, “Minasumpa ako sa ngaran kan buhay na Kagurangnan na saimong Dios na mayo ako nin tinapay. Igwa na sana ako nin sarong gugom na arina sa mangko saka kadikit na lana nin oliba sa dulay. Nagdigdi ako tanganing mamurot nin nagkapirang igatong na dadarahon ko pabalik sa harong, dangan aandamon ko an kadikit na pagkakan para sako asin para sa sakong aking lalaki. Huring pagkakan mi na iyan, dangan magagadan na kami sa gutom.”

1 Mga Hade 17:14

Huli ta ini an sinasabi nin Kagurangnan, an Dios nin Israel: ‘Dai mauubosan nin arina an mangko asin dai mauubosan nin lana an dulay bago ako, an Kagurangnan, magpadara nin uran.’”

2 Mga Hade 6:16

Nagsimbag si Eliseo, “Dai ka matakot huli ta mas dakul kita ki sa sainda.”

2 Mga Cronica 20:17

Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Mga Talinhaga 3:9

Tawe nin kaomawan an Kagurangnan sa paagi nin pagdolot saiya kan pinakamarahay na bunga kan saimong daga.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 41:13

Ako an Kagurangnan na saimong Dios; pinapakosog taka asin sinasabihan, ‘Dai ka matakot; tatabangan taka.’”

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Mateo 10:37

“An namomoot sa saiyang ama o ina orog pa sako, bakong maninigo na magin disipulo ko. An namomoot sa saiyang aking lalaki o babae orog pa sako, bakong maninigo na magin disipulo ko.

Mateo 28:5

Nagtaram an anghel sa mga babae, “Dai kamo matakot. Aram kong hinahanap nindo si Jesus na ipinako sa krus.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Mga Gibo 27:24

Sinabihan ako kan anghel, ‘Dai ka matakot, Pablo, huli ta kaipuhan umatubang ka ki Cesar; dahel saimo, ililigtas nin Dios sa kagadanan an gabos na kaiba mo sa barko.’

Hebreyo 11:17

Huli sa pagtubod, idinolot ni Abraham an saiyang aking si Isaac bilang atang, kan baloon siya nin Dios. Maski siya an pinanugaan nin Dios, andam si Abraham na iatang an bugtong niyang aki.

1 Pedro 1:7

tanganing baloon kun tunay an saindong pagtubod. Maski an bulawan na pwedeng mawara, binabalo sa kalayo; siring man, an saindong pagtubod na mas mahalaga ki sa bulawan dapat baloon, tanganing mahiling na an saindong pagtubod tunay, asin magkamit kamo nin kaomawan, kamurawayan saka paggalang sa Aldaw na ihayag si Jesu-Cristo.