1 Mga Hade 17:12 - Marahay na Bareta Biblia

¹² Nagsimbag an balo, “Minasumpa ako sa ngaran kan buhay na Kagurangnan na saimong Dios na mayo ako nin tinapay. Igwa na sana ako nin sarong gugom na arina sa mangko saka kadikit na lana nin oliba sa dulay. Nagdigdi ako tanganing mamurot nin nagkapirang igatong na dadarahon ko pabalik sa harong, dangan aandamon ko an kadikit na pagkakan para sako asin para sa sakong aking lalaki. Huring pagkakan mi na iyan, dangan magagadan na kami sa gutom.”

1 Mga Hade 17:12 ပူးပေါင်းရင်းမြစ်များ

Genesis 21:15

Kan maubos an tubig, binayaan kan ina an saiyang aki sa lindong nin sarong marambong na tinanom

Genesis 21:16

dangan tuminukaw sa sarong lugar na may sanggatos metros an rayo. Nagsaboot siya, “Dai ko kayang hilingon an pagkagadan kan sakong aki.” Mantang nagtutukaw siya duman, nagpoon siyang maghibi.

2 Samuel 15:21

Alagad nagsimbag si Ittai, “Mahal na hade, isinusumpa ko saimo sa ngaran kan buhay na Kagurangnan na danay akong maiba saimo minsan saen, sa buhay man o sa kagadanan.”

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

1 Mga Hade 17:11

Kan mahale na an balo tanganing magkua nin tubig, inapod siya ni Elias, “Darahan mo man ako nin nagkapirang tinapay.”

1 Mga Hade 17:13

“Dai ka mahadit,” an sabi saiya ni Elias. “Magpuli ka na dangan andamon mo an saimong pagkakan. Alagad gumibo ka ngona nin sadit na tinapay asin darahon mo sako dangan andamon mo an natada para sa saimo asin sa saimong aking lalaki.

Jeremias 14:18

Kun minaduman ako sa kaomahan, nahihiling ko an mga nagadan sa gera. Kun minaduman ako sa mga banwa, nahihiling ko an mga tawong nagagadan sa gutom. Padagos sa pag-otob kan saindang katongdan an mga propeta saka mga padi, alagad dai ninda aram kun ano an saindang ginigibo.”

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 5:2

Maski nagsasabi kamo na sinasamba nindo an Kagurangnan, iyan bakong tudok sa saindong puso.

Mga Panambitan 4:9

Mas marahay pa an mga nagadan sa gera ki sa nagadan sa gutom, na luway-luway na nagagadan huli ta mayo sinda nin makakakan.

Mateo 26:7

nagdolok saiya an sarong babae na may darang lalagan na alabastro, na pano nin mamahalon na pahamot. Inula niya ini sa payo ni Jesus mantang si Jesus nagkakakan.

1 Samuel 14:39

Isinusumpa ko sa buhay na Kagurangnan, na nagliligtas sa Israel, na gagadanon an nagkasala, maski siya iyo an sakong aking si Jonatan.” Alagad mayo nin siisay man na nagsimbag ki Saul.

1 Samuel 14:45

Alagad nagsarabi an mga tawo ki Saul, “Tama daw na gadanon si Jonatan na nakaginibo kaining dakulang kapangganahan para sa Israel? Dai! Sagkod na buhay an Kagurangnan, minasumpa kami na mayo nin mararakdag na buhok sa payo ni Jonatan, maski saro. An ginibo niya ngunyan na aldaw nangyari huli sa tabang nin Dios.” Kaya ilinigtas kan mga tawo si Jonatan sa kagadanan.

1 Samuel 20:21

Dangan ipapahanap ko an mga bosog sa sakong sorogoon. Kun sabihan ko siyang, ‘Hilinga, yaon diyan sa harani mo an mga bosog; kuaha na,’ nangangahulogan iyan na ligtas ka asin pwede nang lumuwas. Isinusumpa ko sa ngaran kan buhay na Kagurangnan na dai ka mamumugtak sa ano man na pag-alaman.

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”

1 Samuel 25:26

An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.

1 Samuel 26:10

Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.