1 Mga Hade 16:31 - Marahay na Bareta Biblia

³¹ Bako sanang nagkasala si Ahab arog ki Jeroboam, kundi inagom pa niya si Jezebel na aking babae ni Hadeng Etbaal nin Sidon dangan nagsamba siya ki Baal.

1 Mga Hade 16:31 ပူးပေါင်းရင်းမြစ်များ

Genesis 30:15

Nagsimbag si Lea, “Dai ka pa nakontento sa pag-agaw kan sakong agom? Ngunyan gusto mo pang kuahon an mga mandragora kan sakong aki?” Nagsimbag si Rachel, “Kun itao mo sako an mga mandragora kan saimong aki, pwede mong dorogan si Jacob ngunyan na banggi.”

Genesis 6:2

nahiling kan mga aki nin Dios na magagayon an mga aking babae kan mga tawo, kaya inagom ninda an saindang nagustohan.

1 Mga Hade 18:18

“Bako ako an nagpaparibok sa Israel,” an simbag ni Elias, “kundi ika asin an saimong ama. Huli ta linalapas mo an mga pagboot nin Kagurangnan asin sinasamba mo si Baal.

1 Mga Hade 18:19

Ngunyan pagbotan mo an bilog na Israel na tagboon ako sa Bukid nin Carmelo. Padumanon mo man an kwatro syentos singkwentang propeta ni Baal, saka an kwatro syentos na propeta kan diosang si Asera na pinapakakan ni Jezebel.”

1 Mga Hade 18:4

asin kan ginagadan ni Jezebel an mga propeta kan Kagurangnan, ilinigtas ni Obadias an sanggatos kan mga propetang ini. Binanga niya an mga propeta sa duwang grupo na tigsingkwenta, dangan tinago sa mga lungib; tinawan niya sinda nin kakanon saka inomon.)

2 Mga Hade 10:18

Tinipon ni Jehu an mga tawo asin nagsabi, “Si Hadeng Ahab naglingkod nin kadikit ki Baal, alagad orog ko siyang paglilingkodan.

2 Mga Hade 17:16

Linapas ninda an gabos na togon kan Kagurangnan na saindang Dios asin naggibo sinda nin duwang metal na baka; naggibo pa sinda nin ladawan kan diosang si Asera, nagsamba sa mga bitoon asin naglingkod ki Baal.

2 Mga Hade 21:3

Ipinatugdok niya giraray an paganong mga lugar na pagsasambahan na ginaba kan saiyang ama na si Ezekias. Nagtugdok siya nin mga altar para ki Baal asin naggibo nin mga imahen kan diosang si Asera, arog kan ginibo ni Ahab na hade nin Israel. Nagsamba saka naglingkod siya sa mga bitoon.

2 Mga Hade 3:2

Nagkasala siya sa Kagurangnan, alagad bako siya arog karaot kan saiyang ama o kan ina niyang si Jezebel, huli ta hinale niya an harigi ni Baal na ginibo kan saiyang ama.

2 Mga Cronica 17:4

kundi naglingkod sa Dios nin saiyang ama, nagsunod sa mga pagboot nin Dios asin dai nag-arog sa ginibo kan mga hade nin Israel.

2 Mga Cronica 21:13

kundi inarog mo an maraot na ginibo kan mga hade nin Israel asin pinangenotan mo an mga banwaan nin Juda saka nin Jerusalem sa pagsombikal sako, siring na an Israel pinangenotan ni Ahab asin kan saiyang mga kasalihid sa pagsombikal sako patin ginadan mo an saimong mga tugang na lalaki na mas marahay ki sa saimo,

Isaias 7:13

Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Ezekiel 16:20

“Dangan kinua mo an mga aking lalaki asin babae na nagin aki ko saimo asin isinakripisyo mo sa mga dios-dios. Kulang pa daw an saimong pagkabakong maimbod sako

Ezekiel 16:47

Alagad dai ka nakontento sa paglakaw sa saindang mga dalan asin sa pag-arog kan makauuyam nindang gibo. Sa halipot sanang panahon nagin mas marompot ka pa ki sa sainda.

Ezekiel 34:18

An iba saindo bako sanang nagkakakan kan marahay na sabsabon kundi tinitimaktimakan pa nindo an ibang mga sabsabon. Iniinom nindo an malinig na tubig, asin pinapalabog nindo an tubig na dai nindo iniinom!

Ezekiel 8:17

Sinabihan ako kan Kagurangnan, “Aki nin tawo, nahihiling mo iyan? An mga taga Judang ini dai pa nakokontento kan ginigibo nindang makauuyam na mga bagay na nahihiling mo digdi, asin kan pagpalakop nin kadahasan sa bilog na daga. Kundi digdi pa ninda ginigibo an mga iyan sa laog kan Templo asin orog na pinapaanggot ako. Hilinga an pag-olog-olog ninda sako sa paaging orog na nakakapaanggot sako!

Oseas 2:15

Itatao ko giraray saiya an mga ubasan na sadiri niya asin an Kapantayan nin Kasakitan gigibohon kong sarong pintoan nin paglaom. Sisimbagon niya ako duman siring kan ginibo niya kan hoben pa siya, kan mag-abot siya hale sa Egipto.

Mga Bilang 16:9

Sadit pa daw na bagay para saindo na linaen kamo sa komunidad nin Israel kan Dios nin Israel tanganing makadolok kamo saiya, makagibo kan saindong katongdan sa Tabernakulo nin Kagurangnan asin makapaglingkod sa komunidad?

Deuteronomio 7:1

“Dadarahon kamo nin Kagurangnan na saindong Dios duman sa dagang sasakopon nindo, asin papahaleon niya duman an dakul na banwaan. Sa pagdangadang nindo, aalawon niya an pitong nasyon na orog na dakula asin mapangyari ki sa saindo: an mga Heteo, Gergeseo, Amoreo, Cananeo, Perezeo, Heveo, asin Jebuseo.

Kapahayagan 2:20

Alagad igwa ako nin masasabi tumang saimo: tinutugotan mo an babaeng si Jezebel, na nagsasabing propeta siya nin Dios. Nagtutukdo siya asin dinadaya niya an sakong mga sorogoon tanganing maggibo nin karigsokan saka magkakan nin mga inatang sa mga dios-dios.

Hukom 1:31

Dai man pinahale kan tribu ni Asher an mga tawong nag-eerok sa mga syudad nin Acco, Sidon, Alab, Aczib, Helba, Afek asin Rehob.

Hukom 10:12

mga taga Sidon, mga Amalekita, asin mga Maonita, dangan nag-agrangay kamo sako. Bakong ilinigtas ko kamo sainda?

Hukom 10:6

Nagkasala giraray sa Kagurangnan an mga Israelita. Nagsaramba sinda sa mga Baal asin sa mga Astarte, patin sa mga dios-dios kan Siria, Sidon, Moab, Ammon asin Filistia. Binayaan ninda an Kagurangnan asin dai na nagsamba saiya.

Hukom 18:7

Kaya naghale an limang lalaki asin nagduman sa banwa nin Lais. Nahiling ninda an mauswag na pamumuhay kan mga tawo duman, arog kan mga taga Sidon. Mga matoninong sinda, trangkilo an isip asin dai nagkukulang nin ano man. An lugar ninda harayo sa Sidon asin dai sinda nin pakilabot sa ibang banwa.

Hukom 2:11

Dangan nagkasala sa Kagurangnan an banwaan nin Israel asin nagpoon sindang magsamba sa mga Baal.

Hukom 3:7

Nalingawan nin Israel an Kagurangnan na saindang Dios; nagkasala sinda saiya asin nagsamba sa mga Baal sagkod sa mga Asera.