1 Mga Hade 16:18 - Marahay na Bareta Biblia

¹⁸ Kan mahiling ni Zimri na nasakop an syudad, nagduman siya sa bantayan kan palasyo, sinulo an palasyo asin nagadan siya sa kalayo.

1 Mga Hade 16:18 ပူးပေါင်းရင်းမြစ်များ

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

1 Mga Hade 16:17

Binayaan ni Omri asin kan saiyang mga soldados an Gibbeton asin sinalakay an Tirza.

2 Mga Hade 15:25

Si Peka na aking lalaki ni Remalias, na sarong opisyal kan hukbo ni Pekaias, nagplano laban saiya kaiba an singkwentang lalaki na taga Gilead. Ginadan ninda si Pekaias sa Samaria, sa bantayan kan palasyo, asin si Peka an nagsalihid saiya bilang hade.

2 Mga Hade 9:31

Mantang palaog si Jehu sa trangkahan, nagsabi si Jezebel, “Katoninongan daw an katuyohan mo, Zimri, ika na paragadan kan saimong kagurangnan?”

Mateo 27:5

Inapon ni Judas sa Templo an kwarta saka naghale siya dangan nagbitay.

Hukom 9:54

Inapod ni Abimelec an nagdadara kan saiyang armas asin pinagbotan, “Hugkoton mo an saimong espada asin gadanon mo ako, huli ta habo kong may magsabi na saro sanang babae an guminadan sako.” Binuno siya kan nagdadara kan saiyang armas asin nagadan siya.