1 Mga Hade 16:13 - Marahay na Bareta Biblia

¹³ An Kagurangnan, an Dios nin Israel, pinaanggot ni Baasa asin kan aki niyang lalaki na si Ela huli ta nagsamba sinda sa mga dios-dios asin huli ta pinapagkasala ninda an Israel.

1 Mga Hade 16:13 ပူးပေါင်းရင်းမြစ်များ

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 15:16

Danay na nag-iwal si Hadeng Asa nin Juda asin si Hadeng Baasa nin Israel sa bilog na panahon kan saindang paghahade.

1 Mga Hade 15:30

Nangyari ini huli ta pinaanggot ni Jeroboam an Kagurangnan, an Dios nin Israel, huli sa mga kasalan niya asin kan kasalan na ipinagibo niya sa Israel.

1 Mga Hade 16:26

Arog ki Jeroboam na naenot saiya, pinaanggot niya an Kagurangnan, an Dios nin Israel, huli kan saiyang mga kasalan asin huli ta pinapagkasala niya an Israel saka pinasamba sa mga dios-dios.

2 Mga Hade 17:15

Isinikwal ninda an saiyang mga katukdoan, dai ninda kinuyog an tipan na ginibo niya sa saindang mga ginikanan, asin dai ninda dinangog an saiyang mga patanid. Sinamba ninda an mayong halagang mga ladawan asin sinda mismo nawaraan nin halaga; inarog ninda an mga gawe kan mga nasyon na nakapalibot sainda, mga gawe na ipinangalad sainda nin Kagurangnan.

Isaias 41:29

Mayong kamugtakan an mga dios-dios na ini; mayo sindang nagigibo— maluluya saka mayo nin kapangyarihan an mga ladawan na ini.”

Jeremias 10:15

An mga dios-dios na iyan mayo nin halaga asin dapat na pag-olog-ologon; mapapara sinda pag-abot kan saindang kapadusahan.

Jeremias 10:8

Gabos sinda mangmang saka lolong. Ano an naaadalan ninda sa kahoy na mga dios?

Jonas 2:8

An mga nagsasamba sa mayong halagang mga ladawan dai nagin tunay na maimbod saimo.

1 Corinto 8:4

Kun siring, ini an masasabi ko dapit sa pagkakan na idinolot sa mga dios-dios: aram nyato na an mga dios-dios minarepresentar sa mga mayo nin buhay; aram nyato na saro sana an Dios.

Deuteronomio 32:21

Pinaimon ninda ako kan saindang mga dios-dios, pinaanggot kan inaapod nindang mga dios-dios. Kaya papaimonon ko sinda asin papaanggoton, huli sa sarong lolong na nasyon.

1 Samuel 12:21

Dai kamo magsamba sa mga dios-dios na dai makakatabang o makakaligtas saindo, huli ta bako sinda an totoong Dios.