1 Mga Hade 16:11 - Marahay na Bareta Biblia

¹¹ Pakatukaw ni Zimri sa trono, ginadan niya tolos an gabos na kaayon sa pamilya ni Baasa; dai niya tinadaan si Baasa nin maski sarong lalaking kadugo saka katood.

1 Mga Hade 16:11 ပူးပေါင်းရင်းမြစ်များ

1 Mga Hade 14:10

Huli kaini, dadarahan ko nin karatan an saimong harong asin gagadanon ko an gabos na lalaking kapagarakian mo, hoben man o gurang. Tutunawon ko an saimong harong, siring sa ginigibong pagtutong nin sarong lalaki sa odo sagkod na maubos iyan.

1 Mga Hade 15:29

Tolos na ginaradan ni Baasa an gabos na kaayon sa pamilya ni Jeroboam. Sosog sa itinaram nin Kagurangnan sa paagi kan sorogoon niyang si Ahias na taga Shilo, ginadan niya an gabos na pamilya ni Jeroboam; mayo nin natadang buhay.

1 Mga Hade 16:10

naglaog sa harong si Zimri asin ginadan si Ela. Dangan siya na an nagsalihid ki Ela bilang hade. Nangyari ini kan ikabeynte y syeteng taon kan paghahade ni Hadeng Asa sa Juda.

1 Mga Hade 16:3

Kaya isisikwal taka asin an saimong pamilya, arog kan ginibo ko ki Jeroboam.

1 Mga Hade 21:22

An saimong pamilya magigin arog sa pamilya ni Jeroboam na aking lalaki ni Nebat, asin arog sa pamilya ni Baasa na aking lalaki ni Ahias, huli ta pinaanggot mo ako saka pinapagkasala mo an Israel!’

2 Mga Hade 9:9

Gigibohon ko sa saiya an ginibo ko sa pamilya ni Jeroboam na aking lalaki ni Nebat saka sa pamilya ni Baasa na aking lalaki ni Ahias.

Salmo 109:13

Magadan logod an saiyang kapagarakian; sa sunod na henerasyon malingawan logod an saiyang ngaran.

Hukom 1:7

Nagsabi si Adonibezek, “Setentang mga hade na pinurutolan nin mga tanggurangan sa kamot sagkod bitis an nagpurot kan mga rakdag sa irarom kan sakong lamesa; ngunyan ginibo man sako nin Dios an ginibo ko sainda.” Dinara siya ninda sa Jerusalem asin duman siya nagadan.

1 Samuel 25:22

Gadanon logod ako nin Dios kun dai ko gadanon an lambang saro kan mga lalaking idto bago mag-aga!”

1 Samuel 25:34

Dai itinugot nin Kagurangnan na makulogan taka. Alagad isinusumpa ko sa ngaran kan buhay na Dios nin Israel na kun dai ka naghidali sa pagsabat sako, gadan kutana an gabos na tawohan ni Nabal bago mag-aga!”