1 Mga Hade 15:23 - Marahay na Bareta Biblia

²³ An iba pang ginibo ni Asa, an saiyang kaisogan asin an mga banwang pinapusog niya, nasusurat gabos sa An Kasaysayan kan mga Hade nin Juda. Alagad kan gurang na si Asa napilay siya huli kan helang sa bitis.

1 Mga Hade 15:23 ပူးပေါင်းရင်းမြစ်များ

1 Mga Hade 14:19

An iba pang mga gibo ni Jeroboam, an saiyang pakigera asin an saiyang paghahade gabos nasusurat sa An Kasaysayan kan mga Hade nin Israel.

2 Mga Cronica 14:14

Dangan narumpag ninda an mga syudad sa palibot nin Gerar huli ta an mga tawo duman natakot sa Kagurangnan. Sinamsaman kan hukbo an mga syudad na ini asin dakul an saindang nakua.

2 Mga Cronica 14:7

Sinabihan ni Asa an banwaan nin Juda, “Pakosogon nyato an mga syudad asin palibotan ta nin kudal, mga bantayan, mga trangkahan saka mga barat. Sadiri pa nyato an dagang ini, huli ta kinuyog ta an kabotan kan Kagurangnan na satuyang Dios. Inataman niya kita asin tinawan nin katoninongan sa gabos na lugar.” Kaya nagtugdok sinda asin nag-uswag.

Salmo 90:10

Setentang taon an lawig kan samuyang buhay, o gayod otsenta kun kami makosog. Alagad mga taon na nagdadara nin kasakitan asin kamondoan; gabos minaagi sana, dangan napapara an samuyang buhay.