1 Mga Hade 15:13 - Marahay na Bareta Biblia

¹³ Hinale man niya an lola niyang si Maaca bilang inang-reyna huli ta naggibo ini nin makauuyam na ladawan kan diosang si Asera. Pinalod niya an ladawan asin sinulo sa Kapantayan nin Kidron.

1 Mga Hade 15:13 ပူးပေါင်းရင်းမြစ်များ

2 Samuel 15:23

Naghibi nin makosog an mga tawo kan maghale an mga parasunod ni David. Binalyo kan hade an sapa nin Kidron, kasunod kan saiyang mga tawohan dangan iriba sindang nagpasiring sa kalangtadan.

1 Mga Hade 15:10

asin kwarenta y unong taon siyang naghade sa Jerusalem. An saiyang lola iyo si Maaca, na aking babae ni Absalom.

1 Mga Hade 15:2

asin tolong taon siyang naghade sa Jerusalem. An saiyang ina iyo si Maaca na aking babae ni Absalom.

1 Mga Hade 2:19

Kaya nagduman si Batsheba ki Hadeng Solomon tanganing kaolayon para ki Adonias. Nagtindog an hade sa pagsabat sa ina, nagtaong galang, dangan nagtukaw sa saiyang trono. Nagpakua siya nin sarong tukawan para sa saiyang ina; nagtukaw si Batsheba sa too kan hade.

2 Mga Hade 10:26

ilinuwas an banal na harigi na yaon duman, asin sinulo.

2 Mga Hade 18:4

Ginaba niya an paganong mga lugar na pagsasambahan, rinonot an mga gapong harigi asin pinalod an mga ladawan kan diosang si Asera. Rinonot man niya an bronseng halas na ginibo ni Moises, huli ta sagkod kan panahon na idto nagtututong pa nin insenso an mga Israelita sa pag-omaw sa bronseng halas; ini inapod na Nehustan.

2 Mga Hade 23:4

Dangan pinagbotan kan hade si Hilkias, an halangkaw na padi, an katabang kaining mga padi, asin an mga bantay sa agihan pasiring sa Templo na iluwas sa Templo an mga kagamitan na manongod ki Baal, ki Asera, saka sa mga bitoon. Ipinasulo kan hade an gabos na kagamitan sa luwas kan Jerusalem, sa Kapantayan nin Kidron, asin ipinadara niya sa Betel an mga abo.

2 Mga Hade 23:6

Ipinahale niya sa Templo an tanda kan diosang si Asera. Ipinadara niya ini sa luwas kan syudad, sa kapantayan nin Kidron, asin duman ipinasulo. Dangan ipinabayo niya nin pino an abo saka ipinawarak sa lulubngan kan mga ordinaryong tawo.

2 Mga Cronica 34:4

Sa pagboot niya, ginaba kan mga tawohan niya an mga altar ni Baal saka an mga altar nin insenso na harani duman. Pinasa niya an mga tanda kan diosang si Asera pati an inukit saka tinunaw na mga imahen. An mga ini rinonot niya siring sa alpog dangan iwinarak sa ibabaw kan mga lulubngan kan mga tawong nagsakripisyo sa mga ini.

Exodo 32:20

Kinua niya an baka na ginibo kan mga tawo, tinunaw sa kalayo, pinulbos, sinalakan nin tubig dangan ipinainom sa mga Israelita.

Levitico 26:30

Raraoton ko an mga lugar na saindong pinagsasambahan sa kabubuldan, gagabaon ko an mga altar nin insenso, dangan itatapok ko an saindong mga bangkay sa ibabaw kan tumba nindong mga dios-dios. Sa kaanggotan,

Zacarias 13:3

Dangan kun igwa nin tawong boot pa giraray na magpropesiya, sasabihan siya kan sadiri man sana niyang mga magurang na kaipuhan gadanon siya, huli ta nagsabi siyang tataramon nin Kagurangnan an saiyang itinataram, alagad kaputikan palan an saiyang sinambit. Kun magpropesiya siya gagadanon siya kan sadiri man sana niyang magurang.

Mateo 10:37

“An namomoot sa saiyang ama o ina orog pa sako, bakong maninigo na magin disipulo ko. An namomoot sa saiyang aking lalaki o babae orog pa sako, bakong maninigo na magin disipulo ko.

Juan 18:1

Pakapamibi kaini ni Jesus, naghale siya kaiba an saiyang mga disipulo asin nag-ibong sa sapa nin Cedron. Igwa nin tatamnan sa Cedron na dinumanan ni Jesus saka kan saiyang mga disipulo.

2 Corinto 5:16

Kaya poon ngunyan, dai na kami naghuhukom sa kiisay man sosog sa sukolan nin tawo. Maski ngani kaidto hinukoman mi si Cristo sa sukolan nin tawo, dai mi na iyan ginigibo ngunyan.

Galacia 2:14

Kan mahiling ko na dai sinda nagsusunod kan katotoohan kan Marahay na Bareta, sinabihan ko si Pedro sa atubangan ninda gabos, “Saro kang Judio, alagad namumuhay ka siring sa pagano, asin bakong siring sa Judio. Kun siring kaiyan, paano mo mapipirit na mamuhay an mga pagano siring sa mga Judio?”

Deuteronomio 33:9

Pinaorog ka niya ki sa saiyang ama asin ina, ki sa mga tugang asin mga aki niya. Kinuyog kan mga Levita an saimong mga kabotan, inotob ninda an saimong tipan.

Deuteronomio 7:5

Kaya gabaon nindo an saindang mga altar, rumpagon an saindang mga hariging gapo, palodon an saindang mga simbolo kan saindang diosa na si Asera asin suloon nindo an gabos nindang ladawan.

Deuteronomio 9:21

Kinua ko an makasalan na bagay na iyan, an metal na baka na ginibo nindo, isinugba ko sa kalayo asin pinasa, giniling ko siring sa alpog, dangan ipinaanod an alpog duman sa sapa na nagbubulos sa bukid.

Josue 6:24

Dangan sinulo ninda an syudad asin an gabos na yaon duman, pwera an mga bagay na gibo sa bulawan, plata, bronse asin lansang na kinua ninda saka ibinugtak sa kaban nin yaman nin Kagurangnan.