1 Mga Hade 15:11 - Marahay na Bareta Biblia

¹¹ Ginibo ni Asa an matanos sa atubang nin Kagurangnan, siring kan ginibo ni David na saiyang ginikanan.

1 Mga Hade 15:11 ပူးပေါင်းရင်းမြစ်များ

1 Mga Hade 15:12

Pinalayas niya sa daga an mga lalaki saka mga babaeng naggigibo nin karigsokan sa mga altar, asin hinale niya an gabos na mga ladawan na ginibo kan mga hadeng naenot saiya.

1 Mga Hade 15:3

An gabos na kasalan na ginibo kan saiyang ama ginibo man niya, asin dai siya nagin maimbod sa Kagurangnan na saiyang Dios, bakong arog kan saiyang ginikanan na si David.

1 Mga Hade 22:43

Arog kan saiyang ama na si Asa, ginibo ni Jehosafat an matanos sa atubang nin Kagurangnan; alagad dai niya ginaba an paganong mga lugar na pagsasambahan asin ipinadagos duman kan mga tawo an pagdolot nin mga sakripisyo saka an pagtutong nin insenso.

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

2 Mga Hade 12:3

Alagad dai niya rinaot an paganong mga lugar na pagsasambahan, kaya an mga tawo nagpadagos sa pag-atang asin sa pagtutong nin insenso duman.

2 Mga Hade 14:3

Ginibo niya an matanos sa atubangan nin Kagurangnan, alagad bako siya arog sa saiyang ginikanan na si Hadeng David, huli ta inarog niya an ginibo kan saiyang ama na si Joas.

2 Mga Hade 15:3

Ginibo niya an matanos sa atubangan nin Kagurangnan, asin inarog an gabos na ginibo kan saiyang ama na si Amazias.

2 Mga Hade 18:3

Ginibo niya an matanos sa atubangan nin Kagurangnan, arog kan ginibo ni David na saiyang ginikanan.

2 Mga Hade 22:2

Ginibo ni Josias an matanos sa atubangan nin Kagurangnan asin sinunod niya an paarog kan saiyang ginikanan na si David; maimbod na kinuyog niya an mga togon nin Dios.

2 Mga Cronica 14:1

Nagadan si Hadeng Abias asin ilinubong sa Syudad ni David. Si Asa na saiyang aking lalaki iyo an nagsalihid saiya bilang hade, asin kan panahon niya, an daga nagkaigwa nin katoninongan sa laog nin sampolong taon.

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

2 Mga Cronica 14:2

Nawilihan nin Kagurangnan si Asa huli ta ginibo kaini an marahay saka matanos.

2 Mga Cronica 15:17

Dai nahale ni Asa an gabos na paganong altar na pagsasambahan, alagad nagin maimbod siya sa Kagurangnan sa bilog niyang pagkabuhay.

2 Mga Cronica 20:32

Arog sa saiyang ama na si Asa, ginibo niya an matanos sa atubang nin Kagurangnan.