1 Mga Hade 14:6 - Marahay na Bareta Biblia

⁶ Alagad kan madangog ni Ahias na palaog na siya sa pintoan, nagsabi si Ahias, “Dagos, agom ni Jeroboam. Tadaw ta nagsasagin-sagin ka? Igwa ako nin maraot na bareta para saimo.

1 Mga Hade 14:6 ပူးပေါင်းရင်းမြစ်များ

1 Mga Hade 14:2

Sinabihan ni Jeroboam an saiyang agom, “Magsagin-sagin kang bako kong agom tanganing dai nin makamidbid saimo, asin magduman ka sa Shilo. Magduman ka ki Ahias, an propetang nagsabi na magigin hade ako sa Israel.

1 Mga Hade 14:5

Sinabihan siya nin Kagurangnan na maabot an agom ni Jeroboam tanganing maghapot manongod sa saiyang aking lalaki na naghehelang. Tinaraman nin Kagurangnan si Ahias kan sasabihon niya. Pag-abot kan agom ni Jeroboam, nagsagin-sagin siya na ibang babae.

1 Mga Hade 14:7

Bumalik ka asin sabihan mo si Jeroboam kan tataramon na ini para sa saiya kan Kagurangnan, an Dios nin Israel: ‘Pinili taka sa kadaklan, asin ginibong pamayo kan sakong banwaan na Israel.

1 Mga Hade 20:42

Dangan sinabihan kan propeta an hade, “Iyo ini an tataramon nin Kagurangnan: ‘Huli ta tinugotan mong makadulag an tawong ipinagboot kong gadanon, buhay mo an kasalihid kan saiyang buhay, banwaan mo an kasalihid kan saiyang banwaan.’”

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

Salmo 33:10

Linalaglag nin Kagurangnan an mukna kan mga nasyon; rinaraot niya an mga plano kan mga banwaan.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Markos 14:21

Magagadan an Aki nin Tawo siring sa nasusurat manongod sa saiya, alagad herak man sa tawong mapasaluib sa Aki nin Tawo. Mas marahay pang dai na siya namundag!”

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

1 Samuel 15:16

“Mag-ontok ka,” an pagboot ni Samuel. “Sasabihan taka kan itinaram sako nin Kagurangnan kasubanggi.” “Sabihan sako,” an simbag ni Saul.

1 Samuel 15:26

“Dai ako maiba sa pagbalik mo,” an simbag ni Samuel. “Isinikwal mo an kabotan nin Kagurangnan, kaya isinikwal ka man niya bilang hade nin Israel.”

1 Samuel 28:18

Linapas mo an pagboot nin Kagurangnan asin dai mo kinuyog an saiyang tingog; dai mo ginadan an gabos na Amalekita, kaya ginibo na saimo nin Kagurangnan an bagay na ini ngunyan na aldaw.