1 Mga Hade 14:27 - Marahay na Bareta Biblia

²⁷ Rinibayan ini ni Hadeng Rehoboam nin mga kalasag na bronse asin pinaingatan sa mga opisyal na nagbabantay kan mga trangkahan kan palasyo.

1 Mga Hade 14:27 ပူးပေါင်းရင်းမြစ်များ

2 Samuel 11:9

Alagad dai nagpuli si Urias; nagkatorog siya sa trangkahan kan palasyo sa kaibahan kan mga bantay kan hade.

2 Samuel 15:1

Pakatapos kaini, kuminua si Absalom nin sarong karwahe asin mga kabayo para saiya, saka singkwentang kalalakihan na masabay saiya sa paglakaw.

1 Mga Hade 14:1

Kan panahon na iyan, naghelang si Abias na aking lalaki ni Hadeng Jeroboam.

1 Mga Hade 14:28

Sa lambang pagduman kan hade sa Templo, dinadara kan mga bantay an mga kalasag dangan ibinabalik ninda sa saindang pinag-eerokan.

1 Mga Hade 14:5

Sinabihan siya nin Kagurangnan na maabot an agom ni Jeroboam tanganing maghapot manongod sa saiyang aking lalaki na naghehelang. Tinaraman nin Kagurangnan si Ahias kan sasabihon niya. Pag-abot kan agom ni Jeroboam, nagsagin-sagin siya na ibang babae.

1 Mga Hade 18:46

An kapangyarihan kan Kagurangnan duminatong ki Elias; kinaluskos niya an saiyang gubing, ibinugkos sa saiyang habayan dangan nagdalagan; naenotan niya si Ahab sa pag-abot sa palaog kan Jezreel.

2 Mga Hade 11:19

Dangan kaiba an mga opisyal kan hukbo, an mga bantay kan hade, an mga bantay kan palasyo, asin an bilog na banwaan dinara ni Jehoiada an hade hale sa Templo pasiring sa palasyo. Duman sinda nag-agi sa Trangkahan nin Bantay, dangan nagtukaw si Joas sa saiyang trono.

2 Mga Hade 11:4

Alagad pag-abot kan ikapitong taon, ipinaapod kan pading si Jehoiada an mga opisyal na namamahala kan mga bantay kan hade. Pinaduman niya an mga opisyal na ini sa Templo saka nakipagtipan sainda; pinasumpa niya sinda duman sa Templo. Pakatapos, ipinahiling niya sainda an aking lalaki kan hade.

1 Samuel 22:17

Dangan sinabihan kan hade an mga bantay na nagtitindog sa palibot niya, “Gadana nindo an mga padi nin Kagurangnan; pag-iriba sinda ni David asin dai sinda nagsabi sako na nagdulag siya, maski aram na ninda iyan.” Alagad mayo nin saro sa mga bantay na naghiro tanganing gadanon an mga padi nin Kagurangnan.

1 Samuel 8:11

Olay niya, “Ini an gigibohon saindo kan saindong hade: kukuahon niya an saindong mga aking lalaki dangan gigibohon na mga soldados; an iba sainda malunad sa saiyang mga karwahe, an iba sa mga kabayo, asin an iba magdadalagan sa enotan kan saiyang mga karwahe.