1 Mga Hade 14:23 - Marahay na Bareta Biblia

²³ Nagtugdok sinda nin mga altar para sa saindang mga dios-dios, asin nagpatindog nin mga harigi saka mga simbolo ni Asera sa ibabaw kan mga bulod saka sa limpoy nin mga kahoy.

1 Mga Hade 14:23 ပူးပေါင်းရင်းမြစ်များ

1 Mga Hade 12:31

Si Jeroboam naggibo man nin mga lugar na pagsasambahan sa kabubuldan, asin nagpili siya nin mga pading gikan sa mga pamilya na bakong kaayon sa tribu ni Levi.

1 Mga Hade 14:15

Papadusahan nin Kagurangnan an Israel asin tatakigan ini arog sa nayuyugyog na bariw sa sarong sapa. Gagaboton niya an banwaan nin Israel sa marahay na dagang ini na itinao niya sa saindang mga ginikanan, asin iwawarak niya sinda sa ibong kan Salog nin Eufrates, huli ta pinaanggot ninda siya sa paagi kan paggibo nin mga ladawan kan diosang si Asera.

1 Mga Hade 15:12

Pinalayas niya sa daga an mga lalaki saka mga babaeng naggigibo nin karigsokan sa mga altar, asin hinale niya an gabos na mga ladawan na ginibo kan mga hadeng naenot saiya.

1 Mga Hade 20:23

Nagsabi ki Hadeng Ben-hadad an saiyang mga opisyal, “An mga dios nin Israel iyo an mga dios kan kabukidan kaya nagkadaraog kita kan mga Israelita. Alagad kun sa kapatagan ta sinda lalabanan, siguradong madadaog ta sinda.

1 Mga Hade 3:2

Mayo pa nin itinugdok na templo para sa Kagurangnan, kaya an mga tawo nagdodolot nin mga sakripisyo sa manlaen-laen na altar.

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

2 Mga Hade 10:26

ilinuwas an banal na harigi na yaon duman, asin sinulo.

2 Mga Hade 16:4

Nagdolot siya nin atang saka nagtutong nin insenso sa paganong mga lugar na pagsasambahan, sa kabubuldan, asin sa lindong kan lambang marambong na kahoy.

2 Mga Hade 17:16

Linapas ninda an gabos na togon kan Kagurangnan na saindang Dios asin naggibo sinda nin duwang metal na baka; naggibo pa sinda nin ladawan kan diosang si Asera, nagsamba sa mga bitoon asin naglingkod ki Baal.

2 Mga Hade 17:19

Alagad maski an Juda dai nagkuyog kan mga togon kan Kagurangnan na saindang Dios; inarog ninda an mga gawe nin Israel.

2 Mga Cronica 24:18

Kaya an mga tawo nag-ontok sa pagsamba sa Templo nin Kagurangnan, an Dios kan saindang mga ginikanan, dangan nagpoon sa pagsamba sa mga dios-dios asin sa mga ladawan kan diosang si Asera. An kagabatan kan saindang kasalan an nagin dahelan kan pagdatong kan kaanggotan nin Dios sa Juda saka sa Jerusalem.

2 Mga Cronica 28:4

Nagdolot siya nin atang saka nagtutong nin insenso sa paganong mga lugar na pagsasambahan, sa kabubuldan, asin sa lindong kan lambang marambong na kahoy.

Exodo 34:13

Gabaon nindo an saindang mga altar, rumpagon an saindang mga sagradong harigi asin palodon an mga simbolo kan saindang diosang si Asera.

Isaias 57:5

Sinasamba nindo an mga dios-dios huli sa pakikidorog sa tangod kan sagrado nindong mga kahoy. Idinodolot nindo an saindong mga aki bilang sakripisyo sa mga magapong lungib na harani sa mga sapa.

Jeremias 17:2

Ginigiromdom kan saindong mga aki an mga altar asin an mga tanda na pinatindog para sa diosang si Asera, sa kataed nin lambang berdeng kahoy, asin sa ibabaw nin haralangkaw na bulod,

Jeremias 2:20

Nagsasabi an Kagurangnan na Makakamhan, “Israel, haloy mo nang isinikwal an kapangyarihan ko; habo mo akong kuyogon saka sambahon. sa ibabaw nin lambang halangkaw na bulod asin sa lindong nin lambang berdeng kahoy nagsamba ka arog sa sarong babaeng maraot.

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Ezekiel 6:13

An saindang mga bangkay magkakawararak sa palibot kan mga altar sa kaibahan kan mga dios-dios, magkakawararak sa lambang halangkaw na bulod, sa alitoktok kan lambang bukid, sa lindong nin lambang berdeng kahoy asin lambang madahon na hamurawon, sa lambang lugar na pinagdolotan ninda nin sakripisyo para sa saindang mga dios-dios. Dangan maaaraman ninda gabos na ako an Kagurangnan.

Ezekiel 6:3

Sabihan mo an kabukidan nin Israel na magdangog sa tataramon kan Kagurangnan Dios—na magdangog sa tataramon ko, an Kagurangnan Dios, sa kabukidan asin kabubuldan, sa mga ampas saka mga kapantayan: Mapadara ako nin espada tanganing raoton an mga lugar na pinagsasambahan kan mga tawo nin mga dios-dios.

Ezekiel 6:6

An gabos na syudad nin Israel marurumpag, tanganing an gabos nindang altar saka mga dios-dios magkaroronot, an saindang mga altar nin insenso magkararaot asin mapapara an gabos nindang ginibo.

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.

Levitico 26:1

Nagtaram an Kagurangnan, “Dai kamo maggibo nin mga ladawan o magpatindog nin mga estatwa, o hariging gapo o inukitan na mga gapo tanganing saindong sambahon. Ako an Kagurangnan na saindong Dios.

Mikas 5:14

Tutumbahon ko an mga ladawan kan diosang si Asera sa saindong daga asin gagabaon ko an saindong mga syudad.

Deuteronomio 12:2

Sa daga na saindong sasakopon, gabaon nindo an gabos na lugar na pinagsasambahan kan mga tawo sa saindang mga dios-dios: sa kabukidan, sa kabubuldan asin sa lindong nin mga kahoy.

Deuteronomio 16:22

Dai kamo magpatindog nin ano man na hariging gapo na ikinakaongis nin Kagurangnan.