1 Mga Hade 14:20 - Marahay na Bareta Biblia

²⁰ Beynte y dos na taon siyang naghade. Nagadan siya asin ilinubong dangan an aki niyang si Nadab iyo an nagsalihid saiya bilang hade.

1 Mga Hade 14:20 ပူးပေါင်းရင်းမြစ်များ

1 Mga Hade 11:43

Nagadan siya asin ilinubong sa Syudad ni David. Nagin kasalihid niya bilang hade an saiyang aking si Rehoboam.

1 Mga Hade 14:19

An iba pang mga gibo ni Jeroboam, an saiyang pakigera asin an saiyang paghahade gabos nasusurat sa An Kasaysayan kan mga Hade nin Israel.

1 Mga Hade 14:21

Naghade sa Juda si Rehoboam na aking lalaki ni Solomon. Kwarenta y unong taon an saiyang edad kan magpoon siyang maghade asin dyes y syeteng taon siyang naghade sa Jerusalem, an syudad na pinili nin Kagurangnan hale sa gabos na teritoryo nin Israel, tanganing duman siya pagsambahon. An ina ni Rehoboam iyo si Naama na taga Ammon.

1 Mga Hade 2:10

Nagadan si David asin ilinubong sa Syudad ni David.

2 Mga Cronica 13:2

asin tolong taon ining naghade sa Jerusalem. An ina niya iyo si Micaias, na aki ni Uriel na gikan sa syudad nin Gibea. Naggera si Abias saka si Jeroboam.

2 Mga Cronica 13:20

Dai na ikinabalik ni Jeroboam an dati niyang kapangyarihan sa panahon kan paghahade ni Abias; dangan hinampak siya nin Kagurangnan asin nagadan.

An Libro ni Job 14:12

an tawo nagagadan asin dai na minabangon giraray. Dai na nanggad sinda mabangon mantang an langit nagdadanay; dai na mapupukaw sa saindang pagkatorog.

Salmo 3:5

Minahigda ako asin minatorog; giraray minabangon huli sa pangataman nin Kagurangnan.

Salmo 4:8

Sa katoninongan ako mahigda dangan matorog; huli ta ika sana, O Kagurangnan, an minapaerok sako sa katiwasayan.