1 Mga Hade 14:16 - Marahay na Bareta Biblia

¹⁶ Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 14:16 ပူးပေါင်းရင်းမြစ်များ

1 Mga Hade 12:30

Kaya nagkasala an mga tawo huli ta nagduman sinda sa Betel tanganing sambahon an sarong baka, asin nagduman sinda sa Dan tanganing sambahon an saro pa.

1 Mga Hade 13:34

An kasalan niyang ini an nagin dahelan kan pagkaraot asin pagkapuho kan paghahade kan saiyang pamilya.

1 Mga Hade 15:26

Siring kan ama niyang naenot saiya, nagkasala man siya tumang sa Kagurangnan asin pinapagkasala niya an Israel.

1 Mga Hade 15:30

Nangyari ini huli ta pinaanggot ni Jeroboam an Kagurangnan, an Dios nin Israel, huli sa mga kasalan niya asin kan kasalan na ipinagibo niya sa Israel.

1 Mga Hade 15:34

Siring ki Hadeng Jeroboam na naenot saiya, nagkasala siya tumang sa Kagurangnan asin pinapagkasala niya an Israel.

1 Mga Hade 16:13

An Kagurangnan, an Dios nin Israel, pinaanggot ni Baasa asin kan aki niyang lalaki na si Ela huli ta nagsamba sinda sa mga dios-dios asin huli ta pinapagkasala ninda an Israel.

1 Mga Hade 16:19

Nangyari ini huli kan saiyang mga kasalan sa Kagurangnan. Arog ki Jeroboam, pinaanggot niya an Kagurangnan huli kan sadiri niyang mga kasalan asin huli ta pinapagkasala niya an Israel.

1 Mga Hade 16:2

“Ilinangkaw taka hale sa alpog asin ginibong lider kan banwaan kong Israel. Alagad nagkasala ka arog ki Jeroboam. Pinapagkasala mo man an sakong banwaan asin pinaanggot mo ako huli kan saindang mga kasalan.

1 Mga Hade 16:27

An iba pang ginibo ni Omri saka an ipinahiling niyang kaisogan gabos nasusurat sa An Kasaysayan kan mga Hade nin Israel.

1 Mga Hade 21:22

An saimong pamilya magigin arog sa pamilya ni Jeroboam na aking lalaki ni Nebat, asin arog sa pamilya ni Baasa na aking lalaki ni Ahias, huli ta pinaanggot mo ako saka pinapagkasala mo an Israel!’

1 Mga Hade 22:53

Nagsamba siya asin naglingkod ki Baal. Arog kan saiyang ama, pinaanggot niya an Kagurangnan, an Dios nin Israel.

2 Mga Hade 10:31

Alagad bakong bilog sa puso an pagkuyog ni Jehu sa Kagurangnan, an Dios nin Israel; inarog niya an mga gibong maraot ni Jeroboam na nagpakasala sa Israel.

2 Mga Hade 13:2

Siring ki Hadeng Jeroboam na naenot saiya, nagkasala siya sa Kagurangnan asin pinapagkasala niya an Israel; dai niya binayaan an saiyang mga maraot na gibo.

2 Mga Hade 13:6

Alagad dai ninda binayaan an mga kasalan ni Hadeng Jeroboam na nangenot sa Israel sa pagkakasala, kundi nagpadagos sinda sa paggibo nin kasalan; an ladawan kan diosang si Asera nagdanay sa Samaria.

2 Mga Hade 14:24

Ginibo niya an maraot sa atubangan kan Kagurangnan huli ta sinunod niya an maraot na paarog ni Hadeng Jeroboam na aking lalaki ni Nebat, na nagpakasala sa Israel.

2 Mga Hade 15:18

Ginibo niya an maraot sa atubangan kan Kagurangnan huli ta sinunod niya an maraot na paarog ni Hadeng Jeroboam na aking lalaki ni Nebat, na nagpakasala sa Israel sagkod na siya magadan.

2 Mga Hade 15:9

Siring kan mga naenot saiya, ginibo niya an maraot sa atubangan kan Kagurangnan huli ta sinunod niya an maraot na paarog ni Jeroboam na aking lalaki ni Nebat, na nagpakasala sa Israel.

2 Mga Hade 17:21

Pakatapos na isiblag nin Kagurangnan an Israel sa Juda, ginibong hade kan mga Israelita si Jeroboam na aking lalaki ni Nebat. Dangan ginibo ni Jeroboam na magharayo sinda sa Kagurangnan. Pinapagkasala niya sinda nin makuri.

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Hade 21:16

Laen pa kan ginibo ni Manases na pangengenot sa mga tawo sa pagsamba sa mga dios-dios, na ipinagkasala ninda sa Kagurangnan, kadakul pa siyang ipinagadan na mayo nin kasalan; kaya an mga tinampo sa Jerusalem nagbulos nin dugo.

2 Mga Hade 23:15

Ipinagaba man niya an lugar na pagsasambahan sa Betel na ginibo ni Hadeng Jeroboam na aking lalaki ni Nebat, na nagpakasala sa Israel. Ipinarumpag niya an altar, ipinapedaso an mga gapo kaini saka ipinabayo nin pino; ipinasulo man niya an ladawan ni Asera.

2 Mga Hade 3:3

Alagad, siring ki Hadeng Jeroboam na aking lalaki ni Nebat, pinapagkasala niya an Israel asin habo niyang mag-ontok sa pagkakasala.

2 Mga Cronica 28:19

Pinadarahan kan Kagurangnan nin kasakitan an Juda huli ta linapas ni Hadeng Ahaz an mga deretso kan mga tawo asin dai siya nagin maimbod sa Kagurangnan.

Salmo 81:12

Kaya pinabayaan ko sinda sa katagasan kan saindang mga payo tanganing masunod ninda an sadiri nindang mga mawot.

Exodo 32:21

Sinabihan ni Moises si Aaron, “Ano an ginibo saimo kan mga tawong ini ta tinugotan mo sindang magkasala?”

Exodo 32:25

Kan mahiling ni Moises an makasosopog na gibo kan mga tawo huli ta pinabayaan sinda ni Aaron na magin ngingisihan kan saindang mga kaiwal,

Exodo 32:35

Kaya pinahelang sinda nin Kagurangnan huli ta pinirit ninda si Aaron na maggibo nin bulawan na baka.

Isaias 40:24

Arog sinda sa mga saradit na mga tinanom, na itinanom pa sana asin nagpopoon pa sanang maggamot. Kun minasubol nin doros an Kagurangnan, naaalang sinda asin ipinapalid arog sa dagami.

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Mateo 18:7

Herak man sa kinaban huli sa mga nakakapakasala sa mga tawo! Kaipuhan nanggad na mag-abot an mga pagsugot, alagad herak man sa tawong nagigin dahelan nin pagkasala!

Roma 14:13

Kaya dai na kita maghukom sa kapwa. Kundi maghingowa nanggad na dai magin dahelan nin pagkasingkog o pagkasala kan sarong tugang.

Deuteronomio 32:30

Kun tano ta an sangribo nadaog nin saro; an sampolong ribo, nadaog nin duwa. Pinabayaan sinda nin Kagurangnan na saindang Dios; isinikwal kan saindang mapangyaring Dios.