1 Mga Hade 14:15 - Marahay na Bareta Biblia

¹⁵ Papadusahan nin Kagurangnan an Israel asin tatakigan ini arog sa nayuyugyog na bariw sa sarong sapa. Gagaboton niya an banwaan nin Israel sa marahay na dagang ini na itinao niya sa saindang mga ginikanan, asin iwawarak niya sinda sa ibong kan Salog nin Eufrates, huli ta pinaanggot ninda siya sa paagi kan paggibo nin mga ladawan kan diosang si Asera.

1 Mga Hade 14:15 ပူးပေါင်းရင်းမြစ်များ

1 Mga Hade 14:9

Dinaog mo sa paggibo nin karatan an mga naenot nang naghade saimo. Isinikwal mo ako asin pinaanggot huli sa paggibo mo nin mga dios-dios asin mga ladawan na metal tanganing pagsambahon.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 17:11

Nagtutong sinda nin insenso sa gabos na paganong altar, arog kan ginibo kan mga nasyon na pinahale nin Kagurangnan sa daga. Pinaanggot ninda an Kagurangnan huli kan maraot nindang mga gibo

2 Mga Hade 17:16

Linapas ninda an gabos na togon kan Kagurangnan na saindang Dios asin naggibo sinda nin duwang metal na baka; naggibo pa sinda nin ladawan kan diosang si Asera, nagsamba sa mga bitoon asin naglingkod ki Baal.

2 Mga Hade 17:17

Tinutong ninda an saindang mga aking lalaki saka babae bilang mga atang. Naghula saka nangkulam sinda, asin itinalaga ninda an saindang sadiri sa paggibo kan maraot sa atubang nin Kagurangnan; pinaanggot ninda an Kagurangnan.

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Cronica 7:20

hahaleon ko kamo sa daga na itinao ko saindo. Papabayaan ko an Templong ini na kinonsagra ko para sa sakong ngaran. Pagngingisihan ini saka pagtutuyatuyaon kan gabos na tawo.

Salmo 52:5

Alagad tutunawon ka nin Dios sagkod pa man; kukuahon ka niya asin hahaleon sa saimong erokan; gagaboton ka niya sa daga nin mga nabubuhay.

Mga Talinhaga 2:22

Alagad an mga tampalasan mawawara sa daga asin an mga madaya magagabot arog sa mga tinanom diyan.

Jeremias 24:10

Mapadara ako sainda nin gera, gutom, saka peste sagkod na mayo na nin matada sainda sa daga na itinao ko sainda asin sa saindang mga ginikanan.”

Jeremias 28:8

An mga propetang naenot sato nagpropesiya na magkakaigwa nin gera, gutom, saka peste sa dakul na nasyon asin sa darakulang kahadean.

Levitico 26:43

Alagad kaipuhan haleon ngona sinda sa daga tanganing mahingaloan iyan asin tanganing mabayadan ninda an padusa sa pagsuhay kan sakong mga togon saka mga pagboot.

Amos 2:9

“Alagad, banwaan ko, huli saindo kun kaya pinuho ko an mga Amoreo, an mga lalaking arog kahalangkaw sa mga sedro asin arog kakosog sa mga hamurawon.

Amos 5:27

kun itapok ko na kamo sa dagang nasa ibong kan Damasco,” an sabi nin Kagurangnan, na an ngaran Dios nin mga hukbo.

Sofonias 2:4

Mayo nin matatada sa syudad nin Gaza. Maharale an mga nag-eerok sa Askelon. Sa laog nin kabangang aldaw, papahaleon an mga namamanwaan sa Asdod, asin papahaleon an mga nag-eerok sa syudad nin Ekron.

Mateo 11:7

Pakahale kan mga disipulo, nagtaram si Jesus sa mga tawo dapit ki Juan, “Ano an pinaghona nindong mahiling kan magduman kamo sa kalangtadan? Sarong bariw na pinagpapalid-palid nin doros?

Mateo 15:13

Nagsimbag si Jesus, “An arin man na tanom na dai itinanom nin sakong Ama sa langit, gagaboton.

Lukas 7:24

Pakahale kan mga sinugo ni Juan, nagtaram si Jesus sa mga tawo dapit ki Juan, “Kan magduman kamo sa kalangtadan, ano an pinagmamawot nindong mahiling? Sarong bariw na pinagpapalid-palid nin doros?

Mga Gibo 7:43

Pinagburuligan nindo an tolda kan dios-dios na si Moloc, asin an bitoon kan dios-dios nindong si Refan; mga ladawan na ginibo nindo tanganing sambahon. Kaya itatapok ko kamo sa ibong kan Babilonia.’

Deuteronomio 28:36

“Kamo asin an saindong hade dadarahon nin Kagurangnan sa sarong dayuhan na daga, na dai pa nindo naaraman ni kan saindong mga ginikanan. Duman malingkod kamo sa mga dios-dios na gibo sa kahoy saka gapo.

1 Samuel 12:25

Alagad kun magpadagos kamo sa paggibo nin kasalan, gagadanon niya kamo asin an saindong hade.”