1 Mga Hade 14:10 - Marahay na Bareta Biblia

¹⁰ Huli kaini, dadarahan ko nin karatan an saimong harong asin gagadanon ko an gabos na lalaking kapagarakian mo, hoben man o gurang. Tutunawon ko an saimong harong, siring sa ginigibong pagtutong nin sarong lalaki sa odo sagkod na maubos iyan.

1 Mga Hade 14:10 ပူးပေါင်းရင်းမြစ်များ

1 Mga Hade 13:34

An kasalan niyang ini an nagin dahelan kan pagkaraot asin pagkapuho kan paghahade kan saiyang pamilya.

1 Mga Hade 16:11

Pakatukaw ni Zimri sa trono, ginadan niya tolos an gabos na kaayon sa pamilya ni Baasa; dai niya tinadaan si Baasa nin maski sarong lalaking kadugo saka katood.

1 Mga Hade 16:3

Kaya isisikwal taka asin an saimong pamilya, arog kan ginibo ko ki Jeroboam.

1 Mga Hade 21:21

Kaya nagtataram saimo an Kagurangnan, ‘Papadarahan taka nin karatan. Sisighidon taka asin pupuhoon ko an lambang lalaki sa saimong pamilya, hoben man o gurang.

2 Mga Hade 14:26

Nahiling nin Kagurangnan an makuring pagtios kan mga Israelita; maski saro mayo nin pwedeng magtabang sainda.

2 Mga Hade 21:13

Papadusahan ko an Jerusalem arog kan ginibo ko sa Samaria, arog kan ginibo ko ki Hadeng Ahab nin Israel sagkod an saiyang kapagarakian. Lilinigan ko an Jerusalem arog kan paglinig kan plato bago patiolobon.

2 Mga Hade 9:37

An saiyang bangkay mawawarak duman na garo odo, tanganing mayo nin makamidbid saiya.’”

An Libro ni Job 20:7

arog kan saiyang odo, mawawara siya sagkod lamang. Hahanapon siya kan mga nakakamidbid saiya, alagad dai siya ninda makukua.

Salmo 83:10

Dinaog mo sinda duman sa Endor, asin an saindang mga bangkay nalapa sa daga.

Isaias 14:19

alagad mayo ka nin lulubngan, asin itinapok sana an saimong bangkay tanganing maglapa. Natahoban iyan kan mga bangkay kan mga soldados na nagkagaradan sa gera, na itinapok kaiba kan mga iyan sa sarong kalot, dangan pinagtimaktimakan.

Isaias 14:23

Gigibohon kong sarong katiboan an Babilon, lugar na eerokan kan mga kuwaw. Sisighidon ko an Babilon nin sarong sighid na mahale kan gabos na yaon diyan. Ako, an Kagurangnan nin mga hukbo, an nagtaram.”

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Ezekiel 26:4

Raraoton ninda an mga kudal kan saimong syudad, asin rurumpagon ninda an saimong mga tore. Dangan sisighidon ko an gabos na daga diyan sagkod na gapo na sana an matada.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Sofonias 1:17

An Kagurangnan nagtataram, “Dadarahon ko sa katawohan an siring na mga kasakitan tanganing an lambang saro maglakaw na garo buta. Nagkasala sinda sako, kaya an saindang dugo mabulos na garo tubig, asin an saindang mga bangkay magkakawararak sa daga.”

Malakias 2:3

Papadusahan ko an saindong mga aki asin inonosnos ko an saindong lalawogon sa odo kan mga hayop na isinasakripisyo nindo—dangan itatapok kamo sa luwas sa tambakan kan mga odo.

Deuteronomio 32:36

Ililigtas nin Kagurangnan an saiyang banwaan, kun mahiling niyang mayo na sindang kapangyarihan. Maheherakan niya idtong mga naglilingkod saiya, kun mahiling niyang kadikit na sana sinda.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.

1 Samuel 25:22

Gadanon logod ako nin Dios kun dai ko gadanon an lambang saro kan mga lalaking idto bago mag-aga!”

1 Samuel 25:34

Dai itinugot nin Kagurangnan na makulogan taka. Alagad isinusumpa ko sa ngaran kan buhay na Dios nin Israel na kun dai ka naghidali sa pagsabat sako, gadan kutana an gabos na tawohan ni Nabal bago mag-aga!”