1 Mga Hade 13:34 - Marahay na Bareta Biblia

³⁴ An kasalan niyang ini an nagin dahelan kan pagkaraot asin pagkapuho kan paghahade kan saiyang pamilya.

1 Mga Hade 13:34 ပူးပေါင်းရင်းမြစ်များ

1 Mga Hade 12:26

Nagsaboot siya, “Sa kamugtakan na ini ngunyan, kun an sakong banwaan magtukad sa Jerusalem asin magdolot nin mga sakripisyo sa Templo nin Kagurangnan, an puso kan banwaan na ini mabirik ki Rehoboam na hade nin Juda asin gagadanon ninda ako.”

1 Mga Hade 12:30

Kaya nagkasala an mga tawo huli ta nagduman sinda sa Betel tanganing sambahon an sarong baka, asin nagduman sinda sa Dan tanganing sambahon an saro pa.

1 Mga Hade 14:1

Kan panahon na iyan, naghelang si Abias na aking lalaki ni Hadeng Jeroboam.

1 Mga Hade 14:10

Huli kaini, dadarahan ko nin karatan an saimong harong asin gagadanon ko an gabos na lalaking kapagarakian mo, hoben man o gurang. Tutunawon ko an saimong harong, siring sa ginigibong pagtutong nin sarong lalaki sa odo sagkod na maubos iyan.

1 Mga Hade 14:11

An siisay man na kaayon sa saimong pamilya na magadan sa syudad, kakakanon kan mga ayam, asin an magadan sa kahiwasan kakakanon kan mga bwitre. Ako, an Kagurangnan, an nagtaram!’”

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 14:7

Bumalik ka asin sabihan mo si Jeroboam kan tataramon na ini para sa saiya kan Kagurangnan, an Dios nin Israel: ‘Pinili taka sa kadaklan, asin ginibong pamayo kan sakong banwaan na Israel.

1 Mga Hade 15:25

Kan ikaduwang taon nin paghahade ni Hadeng Asa nin Juda, nagin hade nin Israel si Nadab na aking lalaki ni Hadeng Jeroboam, asin duwang taon siyang naghade sa Israel.

1 Mga Hade 15:26

Siring kan ama niyang naenot saiya, nagkasala man siya tumang sa Kagurangnan asin pinapagkasala niya an Israel.

1 Mga Hade 21:22

An saimong pamilya magigin arog sa pamilya ni Jeroboam na aking lalaki ni Nebat, asin arog sa pamilya ni Baasa na aking lalaki ni Ahias, huli ta pinaanggot mo ako saka pinapagkasala mo an Israel!’

2 Mga Hade 10:29

Alagad inarog niya an kasalan ni Hadeng Jeroboam, na nagpakasala sa Israel sa paagi nin pagsamba sa bulawan na mga toro na ibinugtak niya sa Betel saka sa Dan.

2 Mga Hade 10:31

Alagad bakong bilog sa puso an pagkuyog ni Jehu sa Kagurangnan, an Dios nin Israel; inarog niya an mga gibong maraot ni Jeroboam na nagpakasala sa Israel.

2 Mga Hade 17:21

Pakatapos na isiblag nin Kagurangnan an Israel sa Juda, ginibong hade kan mga Israelita si Jeroboam na aking lalaki ni Nebat. Dangan ginibo ni Jeroboam na magharayo sinda sa Kagurangnan. Pinapagkasala niya sinda nin makuri.

Mga Talinhaga 13:6

An matanos na tawo iniingatan kan katanosan, alagad an kasalan iyo an minapabagsak kan tampalasan.

Jeremias 28:16

Kaya nagsasabi mismo an Kagurangnan na hahaleon ka niya sa ibabaw kan daga. Sa taon na ini magagadan ka huli ta tinaraman mo an mga tawo na magrebelde sa Kagurangnan.”

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”