1 Mga Hade 13:33 - Marahay na Bareta Biblia

³³ Dai man giraray nagbakle si Hadeng Jeroboam nin Israel sa saiyang maraot na mga gibo. Nagpadagos siya sa pagpili nin mga padi na gikan sa ordinaryong mga pamilya tanganing maglingkod sa mga altar na saiyang itinugdok. Kinonsagra niya bilang padi an siisay man na boot magin padi.

1 Mga Hade 13:33 ပူးပေါင်းရင်းမြစ်များ

1 Mga Hade 15:26

Siring kan ama niyang naenot saiya, nagkasala man siya tumang sa Kagurangnan asin pinapagkasala niya an Israel.

2 Mga Hade 10:29

Alagad inarog niya an kasalan ni Hadeng Jeroboam, na nagpakasala sa Israel sa paagi nin pagsamba sa bulawan na mga toro na ibinugtak niya sa Betel saka sa Dan.

2 Mga Cronica 11:15

Si Jeroboam nagpili nin sadiri niyang mga padi tanganing maglingkod sa mga paganong lugar na pagsasambahan, magsamba sa mga demonyo asin mga ladawan nin baka na saiyang ginibo.

2 Mga Cronica 13:9

Pinahale nindo an mga padi nin Kagurangnan, an kapagarakian ni Aaron, saka an mga Levita dangan nagbugtak kamo nin mga padi arog kan ginibo kan ibang mga nasyon. An siisay man na magdolok na may darang ogbon na baka o pitong karnero, pwedeng konsagrahon bilang padi kan inaapod nindong mga dios-dios.

2 Mga Cronica 17:4

kundi naglingkod sa Dios nin saiyang ama, nagsunod sa mga pagboot nin Dios asin dai nag-arog sa ginibo kan mga hade nin Israel.

2 Mga Cronica 28:22

Kan nagin grabe an kasakitan ni Hadeng Ahaz, orog man logod siyang nagkasala sa Kagurangnan.

Salmo 78:34

Kan gadanon niya an nagkapira sainda, nagbalik saiya an mga natadang buhay; nagbakle asin tudok sa puso na namibi saiya.

Exodo 28:41

Gubingan mo kaiyan si Aaron na saimong tugang asin an saiyang mga aki, dangan lahidan mo sinda nin lana, ordenan saka konsagrahon, tanganing maglingkod sinda sako bilang mga padi.

Mga Talinhaga 27:22

Maski pa bayohon sa lubang an lolong na garo trigo, dai nanggad mahahale an saiyang kalolongan.

Jeremias 18:4

Kun nararaot an ginigibo niyang koron, kinukua niya an laboy saka minagibo siya nin bago.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Amos 6:11

Kun itao na nin Kagurangnan an pagboot, magkakaroronot an mga harong, dakula man o sadit.

Amos 7:10

Dangan nagpatogon si Amazias, an padi nin Betel, ki Hadeng Jeroboam: “Igwa nin pinaplano laban saimo si Amos sa tahaw kan banwaan. An mga pahayag niya iyo an maraot kan daga.

Mga Bilang 1:51

Kun maliwat kamo nin kampo, an mga Levita an matangkas kan Tabernakulo asin matugdok kaiyan sa bagong lugar. An magrani sa Tabernakulo pwera sainda, gagadanon.

Mga Bilang 17:5

Matubo an sugkod kan tawong pipilion ko. Sa paaging iyan, papaontokon ko an mga pagreklamo saimo kan mga Israelitang ini.”

Mga Bilang 3:10

Si Aaron asin an saiyang mga aki iyo an italaga mong maglingkod bilang mga padi; an siisay pa man na maggibo kan katongdan na iyan gagadanon.”

2 Timoteo 3:13

mantang an mga tawong maraot asin parasagin-sagin, padagos na magigin maraot, mga nandadaya saka nadadaya.

Hukom 17:12

Ginibo siyang padi ni Micas asin duman na siya nag-erok.

Hukom 17:5

Igwa si Micas nin sadiring lugar na pagsasambahan. Guminibo siya nin iba pang dios-dios asin efod, dangan ginibo niyang padi an saro kan mga aki niyang lalaki.