1 Mga Hade 13:24 - Marahay na Bareta Biblia

²⁴ Naghale na siya, asin sa dalan sinabat siya saka ginadan nin sarong leon. Nakatapok sa dalan an saiyang bangkay asin nagtindog sa kataed kaini an asno saka an leon.

1 Mga Hade 13:24 ပူးပေါင်းရင်းမြစ်များ

1 Mga Hade 13:23

Kan tapos na sindang magkakan, kinamaderohan kan gurang na propeta an sarong asno para sa propetang gikan sa Juda.

1 Mga Hade 20:36

kaya nagsabi an propeta, “Huli ta sinuhay mo an pagboot nin Kagurangnan, paghale mo digdi gagadanon ka nin sarong leon.” Pakahale kan propeta, sinabat siya nin sarong leon asin ginadan siya.

2 Mga Hade 2:24

Nagsalingoy si Eliseo asin kan mahiling niya sinda, minaldisyon niya sinda sa ngaran nin Kagurangnan. Dangan luminuwas hale sa kakahoyan an duwang babaeng oso saka ginaradan an kwarenta y dos sa mga aking lalaki.

Mga Talinhaga 22:13

An hugakon habong magluwas sa harong asin an idinadahelan iyo na tibaad gadanon siya sa luwas kan leon.

Mga Talinhaga 26:13

Nagsasabi an hugakon, “May leon sa dalan! May leon sa mga tinampo!”

Amos 5:19

An aldaw na iyan makakaarog sa tawong duminulag sa leon alagad an nasabatan sarong oso; o arog sa tawong nagpuli sa harong dangan kan magkapot siya sa lanob, kinagat siya nin halas!

Mga Bilang 22:33

Alagad nahiling ako kan saimong asno asin nagliklik siya nin makatolo. Kun dai idto ginibo kan asno, nagadan taka kuta asin pinabayaan kong mabuhay an asno.”