1 Mga Hade 13:21 - Marahay na Bareta Biblia

²¹ asin sinabihan niya an propetang gikan sa Juda, “An Kagurangnan nagtataram na dai mo siya kinuyog asin dai mo ginibo an saiyang pagboot.

1 Mga Hade 13:21 ပူးပေါင်းရင်းမြစ်များ

Genesis 3:7

Pakatapos nindang magkakan, nagkaigwa sinda nin pakasabot, asin naaraman ninda na sinda huba; kaya nagtahi sinda nin mga dahon kan higera dangan ginibo ninda ining pantahob sa saindang hawak.

2 Samuel 24:13

nagduman si Gad saiya asin sinabihan kan itinaram nin Kagurangnan, dangan hinapot, “Arin digdi sa tolo an pipilion mo? Tolong taon nin gutom sa saimong daga o tolong bulan nin pagdulag sa saimong mga kaiwal o tolong aldaw nin peste sa saimong daga? Isipa nin marahay, dangan sabihi ako kan saimong simbag na dadarahon ko sa nagsugo sako.”

2 Samuel 6:7

Naanggot an Kagurangnan Dios ki Uzza kaya ginadan niya ini duman. Nagadan si Uzza sa kataed kan Kaban nin Tipan,

1 Mga Hade 13:17

huli ta pinagbotan ako nin Kagurangnan na dai magkakan o mag-inom, o magbalik papuli na mag-agi sa parehong dalan.”

1 Mga Hade 13:20

Mantang nagkakakan sinda, an tataramon nin Kagurangnan uminabot sa gurang na propeta,

1 Mga Hade 13:22

Embes kaiyan, nagbalik ka saka nagkakan asin nag-inom sa lugar na ipinangalad saimo. Huli kaini magagadan ka, asin an hawak mo dai ilulubong sa lulubngan kan saimong mga ginikanan.”

1 Mga Hade 20:36

kaya nagsabi an propeta, “Huli ta sinuhay mo an pagboot nin Kagurangnan, paghale mo digdi gagadanon ka nin sarong leon.” Pakahale kan propeta, sinabat siya nin sarong leon asin ginadan siya.

Esther 6:13

Inosip niya sa saiyang agom na si Zeres asin sa gabos niyang katood an gabos na nangyari saiya. Dangan nagsabi an madonong niyang mga katood saka an agom niyang si Zeres, “Nagpoon nang makua ni Mardokeo an saimong kapangyarihan. Saro siyang Judio, asin dai mo siya madadaog. Dadaogon ka nanggad niya.”

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Mga Bilang 20:12

Alagad tinuyaw nin Kagurangnan si Moises saka si Aaron, “Huli sa kakulangan kan saindong pagtubod na ipamidbid sa mga tawo an sakong banal na kapangyarihan, bako kamo an mangengenot sainda pasiring sa dagang ipinanuga kong itatao sainda.”

Mga Bilang 20:24

“Dai makakalaog si Aaron sa dagang ipinanuga kong itatao sa Israel; magagadan siya huli ta dai nindo sinunod an sakong pagboot duman sa Meriba.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.

1 Samuel 15:19

Kun siring, tadaw ta dai mo siya kinuyog. Tadaw ta naghidali ka sa pagkua kan masasamsam asin naggibo nin karatan sa atubangan nin Kagurangnan?”

1 Samuel 4:18

Kan masambit kan lalaki an Kaban nin Tipan, patihaya na natumba si Eli hale sa saiyang tukawan sa may trangkahan. Gurang na siyang marahay asin mataba, kaya nabari an saiyang liog pagkatumba niya, asin nagadan siya. Nagin hukom siya sa Israel sa laog nin kwarentang taon.