1 Mga Hade 12:32 - Marahay na Bareta Biblia

³² Nagselebrar man si Jeroboam nin sarong pyesta kan ikakinseng aldaw kan ikawalong bulan, siring kan pyesta sa Juda. Sa ibabaw kan altar duman sa Betel, nagdolot siya nin mga sakripisyo sa mga bulawan na baka na saiyang ginibo. Ibinugtak niya sa Betel an mga padi na naglilingkod sa mga altar na pagsasambahan na saiyang ginibo.

1 Mga Hade 12:32 ပူးပေါင်းရင်းမြစ်များ

1 Mga Hade 13:1

Sa pagboot nin Kagurangnan, sarong propetang gikan sa Juda an nagpasiring sa Betel. Nag-abot siya duman mantang nakatindog si Jeroboam sa atubang kan altar tanganing magtutong nin insenso.

1 Mga Hade 13:33

Dai man giraray nagbakle si Hadeng Jeroboam nin Israel sa saiyang maraot na mga gibo. Nagpadagos siya sa pagpili nin mga padi na gikan sa ordinaryong mga pamilya tanganing maglingkod sa mga altar na saiyang itinugdok. Kinonsagra niya bilang padi an siisay man na boot magin padi.

1 Mga Hade 8:2

Nagtiripon sinda sa atubangan ni Hadeng Solomon kan Pyesta nin mga Harong-harong, kan bulan nin Etanim na iyo an ikapitong bulan.

1 Mga Hade 8:5

Nagtiripon sa atubang kan Kaban nin Tipab si Solomon pati an bilog na banwaan nin Israel, dangan nagdolot nin karnero saka baka, na dai mabilang sa kadakulan.

Exodo 32:5

Kan mahiling ini ni Aaron, nagtugdok siya nin altar sa atubangan kan bulawan na baka dangan nagpahayag, “Sa aga magkakaigwa kita nin pyesta para sa Kagurangnan.”

Ezekiel 43:8

Itinugdok kan mga hade an pintoan kan saindang palasyo sa kataed kan pintoan kan sakong Templo, kaya saro sanang kudal an pagultanan nyamo. Dinigtaan ninda an banal kong ngaran sa paagi kan makauuyam na mga bagay na saindang ginibo, kaya sa sakong kaanggotan tinunaw ko sinda.

Hukom 17:5

Igwa si Micas nin sadiring lugar na pagsasambahan. Guminibo siya nin iba pang dios-dios asin efod, dangan ginibo niyang padi an saro kan mga aki niyang lalaki.