1 Mga Hade 12:29 - Marahay na Bareta Biblia

²⁹ An saro sa mga bulawan na baka ibinugtak niya sa Betel asin an saro sa Dan.

1 Mga Hade 12:29 ပူးပေါင်းရင်းမြစ်များ

Genesis 12:8

Dangan nagpasiring siya sa mabulod na lugar sa sirangan kan Betel asin itinugdok an saiyang tolda sa pagultanan kan Betel na nasa solnopan asin kan Ai na nasa sirangan. Guminibo siya duman nin altar asin nagsamba sa Kagurangnan.

Genesis 14:14

Kan madangog ni Abram na binihag si Lot, inapod niya an gabos niyang tawohan sa kampo, mga tres syentos dyes y otso gabos, asin linamag ninda an apat na hade sagkod sa Dan.

Genesis 28:19

An lugar nginaranan niyang Betel, alagad kaidto Luz an apod sa banwang idto.

Genesis 35:1

Nagtaram an Dios ki Jacob, “Magduman ka tolos sa Betel asin duman ka mag-erok. Gumibo ka nin sarong altar duman para sako, an Dios na nagpahiling saimo kan ika magdulag sa tugang mong si Esau.”

1 Mga Hade 13:4

Kan madangog ini ni Hadeng Jeroboam, itinuro niya an propeta dangan nagboot, “Dakopon an tawong iyan!” An takyag na inunat kan hade naparalisar tolos, kaya dai na niya ini ikinababa.

1 Mga Hade 15:20

Nag-oyon si Hadeng Ben-hadad sa alok ni Asa asin ipinadara niya an saiyang mga opisyal saka an saindang mga hukbo tanganing salakayon an mga syudad nin Israel. Nasakop ninda an Ijon, Dan, Abel-bet-maaca, an lugar na harani sa Danaw nin Galilea, asin an bilog na teritoryo nin Neftali.

2 Mga Hade 10:29

Alagad inarog niya an kasalan ni Hadeng Jeroboam, na nagpakasala sa Israel sa paagi nin pagsamba sa bulawan na mga toro na ibinugtak niya sa Betel saka sa Dan.

2 Mga Hade 2:2

asin sa dalan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Betel.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sindang duwa sa Betel.

2 Mga Cronica 13:8

Ngunyan boot nindong magtumang sa kapangyarihan na itinao nin Kagurangnan sa mga aki ni David, huli ta dakul kamo asin dara nindo an mga bulawan na baka na ginibo ni Jeroboam tanganing magin dios-dios nindo.

Jeremias 48:13

Dangan ikakasopog kan mga taga Moab si Kemos, na saindang dios-dios, arog kan ikinasopog kan mga taga Israel si Betel, an dios-dios na saindang pinagsarigan.

Jeremias 8:16

An satong mga kaiwal yaon na sa syudad nin Dan; madadangog hale duman an sinogrot kan saindang mga kabayo. Sa hinirihiri kan saindang mga kabayo, nagtatakig an bilog na daga. Huli ta nag-abot na an mga kaiwal na maraot kan satong daga, na magaba kan satong syudad asin magadan kan mga nag-eerok diyan.”

Oseas 10:5

Matatakot saka mamomondo an mga tawong nag-eerok sa syudad nin Samaria huli sa pagkawara kan bulawan na baka sa Bet-aven. An pagkawarang iyan pagtatangisan kan mga tawo saka kan mga padi na naglilingkod sa dios-dios na idto. Maghahaya sinda sa panahon na halean na kan saiyang kamurawayan an bulawan na torong baka.

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Amos 5:5

Dai kamo magduman sa Beer-sheba sa pagsamba. Dai nindo ako paghanapon sa Betel, huli ta an Betel mawawaraan nin halaga. Dai kamo magduman sa Gilgal huli ta itatapok an saiyang mga namamanwaan.”

Amos 7:13

Dai ka na nanggad magpropesiya digdi sa Betel. Iyo ini an lugar na pinagsasambahan kan hade, an templo kan bilog na kahadean.”

Amos 8:14

An mga tawong nagsusumpa huli sa ngaran kan mga dios-dios nin Samaria, na nagsasabing, ‘Huli sa ngaran kan dios nin Dan,’ o, ‘Huli sa ngaran kan dios nin Beer-sheba’—matutumba asin dai na makakabangon giraray.”

Deuteronomio 34:1

Hale sa kapatagan nin Moab, nagtukad si Moises sa Bukid nin Nebo, pasiring sa alitoktok kan Bukid nin Pisga, sa sirangan nin Jerico. Duman ipinahiling saiya nin Kagurangnan an bilog na daga: an teritoryo kan Gilead sagkod sa amihan sa banwa nin Dan;

Josue 7:2

Nagsugo si Josue nin nagkapirang lalaki hale sa Jerico tanganing siyasaton an Ai, sarong syudad sa sirangan kan Betel asin harani sa Bet-aven. Kan magibo ninda ini

Hukom 18:26

Dangan nagpadagos sa paglakaw an tribu ni Dan. Nahiling ni Micas na mas makosog sinda ki sa saiya kaya nagpuli na sana siya.

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.