1 Mga Hade 12:28 - Marahay na Bareta Biblia

²⁸ Pakahorophoropa niya kaini, guminibo siya nin duwang bulawan na torong baka dangan sinabihan an saiyang banwaan, “Haloy na kamong nagpaparatukad sa Jerusalem tanganing magsamba. Banwaan nin Israel, uya an saindong mga dios na nagluwas saindo sa Egipto!”

1 Mga Hade 12:28 ပူးပေါင်းရင်းမြစ်များ

1 Mga Hade 14:9

Dinaog mo sa paggibo nin karatan an mga naenot nang naghade saimo. Isinikwal mo ako asin pinaanggot huli sa paggibo mo nin mga dios-dios asin mga ladawan na metal tanganing pagsambahon.

1 Mga Hade 15:26

Siring kan ama niyang naenot saiya, nagkasala man siya tumang sa Kagurangnan asin pinapagkasala niya an Israel.

1 Mga Hade 16:19

Nangyari ini huli kan saiyang mga kasalan sa Kagurangnan. Arog ki Jeroboam, pinaanggot niya an Kagurangnan huli kan sadiri niyang mga kasalan asin huli ta pinapagkasala niya an Israel.

2 Mga Hade 10:29

Alagad inarog niya an kasalan ni Hadeng Jeroboam, na nagpakasala sa Israel sa paagi nin pagsamba sa bulawan na mga toro na ibinugtak niya sa Betel saka sa Dan.

2 Mga Hade 17:16

Linapas ninda an gabos na togon kan Kagurangnan na saindang Dios asin naggibo sinda nin duwang metal na baka; naggibo pa sinda nin ladawan kan diosang si Asera, nagsamba sa mga bitoon asin naglingkod ki Baal.

2 Mga Hade 17:8

dangan inarog ninda an mga gawe kan mga nasyon na pinahale nin Kagurangnan kan magdangadang an banwaan nin Israel, asin inako ninda an mga kaugalean kan mga hade nin Israel.

2 Mga Cronica 11:14

Binayaan kan mga Levita an saindang mga dagang pasabsaban asin iba pang pagsadiring daga, dangan nagduman sa Juda asin sa Jerusalem, huli ta dai sinda tinugotan ni Hadeng Jeroboam saka mga kasalihid kaini na maglingkod sa Kagurangnan bilang mga padi.

2 Mga Cronica 11:15

Si Jeroboam nagpili nin sadiri niyang mga padi tanganing maglingkod sa mga paganong lugar na pagsasambahan, magsamba sa mga demonyo asin mga ladawan nin baka na saiyang ginibo.

2 Mga Cronica 13:8

Ngunyan boot nindong magtumang sa kapangyarihan na itinao nin Kagurangnan sa mga aki ni David, huli ta dakul kamo asin dara nindo an mga bulawan na baka na ginibo ni Jeroboam tanganing magin dios-dios nindo.

2 Mga Cronica 15:3

An Israel namuhay na mayo kan tunay na Dios sa haloy na panahon, mayo nin mga padi na nagtukdo sainda asin mayo nin katogonan.

2 Mga Cronica 17:4

kundi naglingkod sa Dios nin saiyang ama, nagsunod sa mga pagboot nin Dios asin dai nag-arog sa ginibo kan mga hade nin Israel.

2 Mga Cronica 21:6

Inarog niya an maraot na ginibo ni Hadeng Ahab asin kan iba pang hade nin Israel, huli ta naagom niya an sarong aking babae ni Ahab. Ginibo niya an maraot sa atubangan kan Kagurangnan,

2 Mga Cronica 33:7

An imahen kan dios-dios na saiyang ginibo, ibinugtak ninda sa laog kan Templo, sa lugar na iyo an sinabi nin Dios kan siya magtaram ki David asin ki Solomon na aki kaini: “Digdi sa Templong ini, asin sa Jerusalem na pinili ko hale sa gabos na tribu nin Israel, ibubugtak ko an sakong ngaran sagkod pa man.

Exodo 1:10

Kaipuhan magin tuso kita tanganing mapugol an saindang pagdakul, ta kun magkagera, tibaad umapil sinda sa satong mga kaiwal, labanan kita dangan bayaan an satong daga.”

Exodo 20:4

“Dai kamo maggibo nin ladawan kan ano man na nasa langit o nasa daga o nasa tubig sa irarom kan daga.

Exodo 32:25

Kan mahiling ni Moises an makasosopog na gibo kan mga tawo huli ta pinabayaan sinda ni Aaron na magin ngingisihan kan saindang mga kaiwal,

Exodo 32:4

Kinua niya an mga hikaw asin tinunaw, dangan inula ini sa sarong hormahan asin naggibo siya nin sarong metal na baka. Nagsabi an mga tawo, “O Israel, iyo ini an satong dios na nagluwas sato sa Egipto!”

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Mga Talinhaga 14:12

An dalan na sa paghona kan tawo matanos, pwedeng magtapos sa kagadanan.

Isaias 30:1

Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Isaias 30:10

An mga propeta sinasabihan ninda na mag-alo. An sabi ninda, “Dai nindo pagsambiton samo an tama. An boot mi sanang madangog an itaram nindo. Pabayae kami nindo sa samong mga kaisipan.

Ezekiel 16:26

Nakidorog ka sa marompot mong mga kataed, an mga Egipcio, asin ginamit mo an saimong pagkani-maraot na babae tanganing paanggoton ako.

Ezekiel 23:8

Nagpadagos siya bilang sarong maraot na babae, gawe na pinonan niya duman sa Egipto, saen nawara niya an saiyang pagkabirhen. Magpoon kan hoben pa siya, dinorogan na siya nin mga lalaki asin ibinilang na sarong maraot na babae.

Daniel 3:1

Nagpagibo si Hadeng Nebukadnezzar nin sarong estatwang bulawan, na beynte y syete metros an langkaw asin maabot sa tolong metros an lakbang. Ipinabugtak niya ini sa kapatagan nin Dura sa probinsya nin Babilon.

Oseas 10:10

Sasalakayon ko an makasalan na banwaan na ini asin papadusahan ko sinda. Magkakasararo an mga nasyon laban sainda asin papadusahan sinda huli kan kadakul nindang mga kasalan.

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Amos 5:5

Dai kamo magduman sa Beer-sheba sa pagsamba. Dai nindo ako paghanapon sa Betel, huli ta an Betel mawawaraan nin halaga. Dai kamo magduman sa Gilgal huli ta itatapok an saiyang mga namamanwaan.”

Amos 8:14

An mga tawong nagsusumpa huli sa ngaran kan mga dios-dios nin Samaria, na nagsasabing, ‘Huli sa ngaran kan dios nin Dan,’ o, ‘Huli sa ngaran kan dios nin Beer-sheba’—matutumba asin dai na makakabangon giraray.”

2 Pedro 2:19

Nanunuga sindang tatawan an mga ini nin katalingkasan; alagad sinda mismo mga oripon nin pamumuhay na maati—huli ta an sarong tawo oripon kan anoman na nakadaog saiya.

1 Samuel 27:1

Nagsaboot si David, “Maabot an aldaw na gagadanon ako ni Saul. An pinakamarahay na magigibo ko iyo an magdulag pasiring sa daga kan mga Filisteo; dai na ako pagpaparahanapon ni Saul sa daga nin Israel, asin magigin ligtas ako.”