1 Mga Hade 12:26 - Marahay na Bareta Biblia

^26-27 Nagsaboot siya, “Sa kamugtakan na ini ngunyan, kun an sakong banwaan magtukad sa Jerusalem asin magdolot nin mga sakripisyo sa Templo nin Kagurangnan, an puso kan banwaan na ini mabirik ki Rehoboam na hade nin Juda asin gagadanon ninda ako.”

1 Mga Hade 12:26 ပူးပေါင်းရင်းမြစ်များ

1 Mga Hade 11:38

Kun kukuyogon mo nanggad ako, mamumuhay sosog sa sakong katogonan, asin maggigibo kan matanos sa atubang ko huli sa pag-otob kan sakong mga togon saka mga pagboot siring kan ginibo kan sorogoon kong si David, danay takang iibahan. Gigibohon takang hade nin Israel asin gigibohon kong hade an saimong mga kapagarakian bilang kasalihid mo, siring kan ginibo ko para ki David.

1 Mga Hade 12:25

Pinakosog ni Jeroboam an Shekem sa mabulod na daga nin Efraim asin nag-erok siya duman. Dangan naghale siya asin pinakosog an banwa nin Penuel.

1 Mga Hade 15:17

Sinalakay ni Baasa an Juda, asin pinoonan an pagpapusog kan Rama tanganing maontok an gabos na paglaog asin pagluwas sa Juda.

2 Mga Hade 13:2

Siring ki Hadeng Jeroboam na naenot saiya, nagkasala siya sa Kagurangnan asin pinapagkasala niya an Israel; dai niya binayaan an saiyang mga maraot na gibo.

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

Salmo 14:1

An lolong nagsasabi sa saiyang puso, “Mayo man nin Dios!” Sinda gabos marompot asin naggigibo nin mga maraot, mayong natada maski saro na naggigibo nin matanos.

Mga Talinhaga 14:12

An dalan na sa paghona kan tawo matanos, pwedeng magtapos sa kagadanan.

Isaias 7:9

An pangenot na syudad nin Israel iyo an Samaria, asin an pamayo nin Samaria si Peka na aki ni Remalias. “Kun dai kamo magtubod, dai kamo mapapapusog.”

Lukas 7:39

Kan mahiling ini kan Fariseo, nagsaboot siya, “Kun an tawong ini sarong propeta, aram kutana niya kun siisay an babaeng ini na nagduduta saiya, huli ta saro siyang parakasala.”

Juan 12:19

Dangan nagpasarabi-sabi an mga Fariseo, “Mayo na kitang magiginibo! Hilinga ta pinagsusunod na siya kan bilog na kinaban!”

1 Samuel 27:1

Nagsaboot si David, “Maabot an aldaw na gagadanon ako ni Saul. An pinakamarahay na magigibo ko iyo an magdulag pasiring sa daga kan mga Filisteo; dai na ako pagpaparahanapon ni Saul sa daga nin Israel, asin magigin ligtas ako.”