1 Mga Hade 12:20 - Marahay na Bareta Biblia

²⁰ Kan madangog kan bilog na Israel na nagbalik si Jeroboam hale sa Egipto, ipinaapod ninda siya sa katiriponan kan banwaan, asin ginibo siyang hade nin Israel. An tribu sana ni Juda an nagdanay na maimbod sa kapagarakian ni David.

1 Mga Hade 12:20 ပူးပေါင်းရင်းမြစ်များ

2 Samuel 20:2

Kaya binayaan si David kan mga Israelita asin nag-iba ki Sheba, alagad padagos na nagin maimbod ki David an mga taga Juda; nagsunod sinda saiya poon sa Jordan sagkod sa Jerusalem.

1 Mga Hade 11:13

Alagad dai ko man gabos hahaleon saiya an kahadean; itatada ko saiya an sarong tribu huli ki David na sakong sorogoon, asin huli sa Jerusalem na sakong pinili.”

1 Mga Hade 11:26

An saro pang tawo na nagrebelde ki Solomon iyo an saro niyang opisyal, na si Jeroboam na aking lalaki ni Nebat, na taga Zereda nin Efraim. Saro nang balo an saiyang ina, na an ngaran si Zerua.

1 Mga Hade 11:32

Matatada ki Solomon an sarong tribu huli sa sakong sorogoon na si David asin huli sa Jerusalem, an syudad na pinili ko sa gabos na tribu nin Israel.

1 Mga Hade 11:35

Hahaleon ko an kahadean sa aki ni Solomon asin itatao ko saimo an sampolong tribu.

1 Mga Hade 11:36

Alagad an sarong tribu itatao ko sa saiyang aking lalaki, tanganing danay akong igwa nin sarong kapagarakian kan sorogoon kong si David na naghahade sa Jerusalem, an syudad na pinili ko tanganing bugtakan kan sakong ngaran.

1 Mga Hade 11:37

Gigibohon takang hade nin Israel, asin ika an maghahade sa gabos na teritoryo na saimong mawoton.

1 Mga Hade 12:17

Alagad pinaghadean ni Rehoboam an mga tawong nag-eerok sa teritoryo nin Juda.

2 Mga Hade 17:21

Pakatapos na isiblag nin Kagurangnan an Israel sa Juda, ginibong hade kan mga Israelita si Jeroboam na aking lalaki ni Nebat. Dangan ginibo ni Jeroboam na magharayo sinda sa Kagurangnan. Pinapagkasala niya sinda nin makuri.

Oseas 11:12

Nagsasabi an Kagurangnan, “Mga kaputikan saka pandadaya an ipinalibot sako kan banwaan nin Israel. An mga taga Juda padagos na nagrerebelde laban sako, an maimbod asin banal na Dios.

Oseas 8:4

“Nagpili sinda nin mga hade, sa saindang sadiring kabotan. Nagbugtak sinda nin mga lider, alagad dai ko iyan aram. Sa paagi kan saindang plata saka bulawan, naggibo sinda nin mga dios-dios—para sa saindang kapahamakan.

1 Samuel 10:24

Sinabihan ni Samuel an mga tawo, “Uya an lalaking pinili nin Kagurangnan! Mayo nin siisay man sato na makakaarog saiya.” Dangan nagkurahaw an gabos na tawo, “Mabuhay an hade!”