1 Mga Hade 12:16 - Marahay na Bareta Biblia

¹⁶ Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David.” Kaya nagbaralik sa saindang mga tolda an mga Israelita.

1 Mga Hade 12:16 ပူးပေါင်းရင်းမြစ်များ

2 Samuel 15:13

Nagbareta an sarong sugo ki David, “Nagsurumpa na an mga Israelita na masunod ki Absalom.”

2 Samuel 16:11

Dangan sinabihan ni David si Abisai asin an gabos niyang opisyal, “Kun boot ngani akong gadanon kan sakong aki, tadaw ta minangalas kamo sa Benjaminitang ini? Sinabihan siya nin Kagurangnan na maldisyonon ako, kaya pabayaan nindo siya na magmaldisyon sako.

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

1 Mga Hade 11:11

Kaya nagtaram an Kagurangnan ki Solomon, “Huli ta dai mo inotob an sakong tipan asin linapas mo an sakong mga pagboot, hahaleon ko saimo an kahadean asin itatao ko sa saro mong opisyal.

1 Mga Hade 11:13

Alagad dai ko man gabos hahaleon saiya an kahadean; itatada ko saiya an sarong tribu huli ki David na sakong sorogoon, asin huli sa Jerusalem na sakong pinili.”

1 Mga Hade 11:34

Alagad dai ko hahaleon ki Solomon an bilog na kahadean. Mapadagos siya sa saiyang paghahade sagkod na siya buhay huli sa pinili kong sorogoon na si David, na nagkuyog kan sakong mga togon saka pagboot.

1 Mga Hade 11:35

Hahaleon ko an kahadean sa aki ni Solomon asin itatao ko saimo an sampolong tribu.

1 Mga Hade 11:36

Alagad an sarong tribu itatao ko sa saiyang aking lalaki, tanganing danay akong igwa nin sarong kapagarakian kan sorogoon kong si David na naghahade sa Jerusalem, an syudad na pinili ko tanganing bugtakan kan sakong ngaran.

1 Mga Hade 11:39

Huli kan kasalan ni Solomon, papadusahan ko an mga kapagarakian ni David, alagad bakong sagkod lamang!’”

1 Mga Hade 22:17

Nagsimbag si Micaias, “Nahiling ko an bilog na Israel na nawarak sa kabukidan, arog sa mga karnero na mayo nin pastor, asin nagtaram an Kagurangnan, ‘Mayo sinda nin pamayo, papulia sinda sa katoninongan.’”

1 Mga Hade 22:36

Kan masolnop na an aldaw uminabot an pagboot sa mga soldados nin Israel: “An lambang saro bumalik na sa sadiri niyang banwaan asin syudad!”

2 Mga Cronica 10:16

Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David!” Kaya nagbalik sa saindang mga tolda an Israel.

Salmo 132:17

Saro sa mga aki ni David an gigibohon kong dakulang hade sa Sion; papadanayon ko digdi an pagkanihade kan sakong pinili.

Salmo 76:10

An kaanggotan nin tawo magtatao nin kaomawan saimo; an makaligtas sa gera iyo an maselebrar kan saimong mga pyesta.

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Isaias 7:2

Kan maaraman kan hade nin Juda na nasa teritoryo na nin Israel an hukbo nin Siria, natakot siya nin makuri, siring man an saiyang mga nasasakopan. Nagtarakig sinda siring sa mga kahoy na hinuhuyop nin doros.

Jeremias 33:21

Sa siring na paagi, nakipagtipan ako sa sakong sorogoon na si David na danay siyang magkakaigwa nin kapagarakian na matukaw bilang hade, saka nakipagtipan ako sa mga padi na hale sa tribu ni Levi na danay sindang maglilingkod sako, asin an mga tipan na iyan dai nanggad mababago.

Ezekiel 37:16

“Aki nin tawo, kumua ka nin taldok dangan suratan mo iyan kan mga tataramon na ini: ‘An kahadean nin Juda.’ Dangan kumua ka nin saro pang taldok asin suratan mo kan mga tataramon na ini: ‘An kahadean nin Israel.’

Markos 3:24

Kun an sarong kahadean nababanga, an kahadean na iyan dai magdadanay.

Lukas 19:14

Alagad ikinakaongis siya kan mga kahimanwa niya, kaya nagpadara sinda nin mga sugo tanganing magsabi, ‘Habo ming magin hade an tawong ini.’

Lukas 19:27

Dapit naman sa mga kaiwal kong habong mag-ako sako bilang hade, darahon nindo sinda digdi asin gadanon sa atubangan ko!’”

Juan 13:8

Nagsimbag si Simon Pedro, “Sagkod pa man dai ka mahanaw kan sakong mga bitis!” “Kun dai ko hanawan an mga bitis mo,” sabi ni Jesus, “Bako taka nang disipulo.”

Hukom 8:35

Dai na ninda nagiromdoman an gabos na karahayan na ginibo ni Gideon asin kan saiyang pamilya para sa Israel.

Hukom 9:28

Nagsabi si Gaal, “Anong klaseng mga lalaki kita digdi sa Shekem? Mas gusto ta pang maglingkod ki Abimelec? Tano, siisay man siya? Bakong naglingkod an aki ni Gideon asin an opisyal niyang si Zebul sa kalalakihan ni Hamor na ama ni Shekem? Kun siring, tano ta pinaglilingkodan ta si Abimelec?