1 Mga Hade 12:13 - Marahay na Bareta Biblia

¹³ Isinikwal kan hade an hatol kan kamagurangan asin maisog na nagtaram sa banwaan.

1 Mga Hade 12:13 ပူးပေါင်းရင်းမြစ်များ

Genesis 16:6

Nagsimbag si Abram, “Sakop mo an saimong oripon; giboha saiya an gusto mo.” Dangan pinasakitan ni Sarai an saiyang oripon kaya nagdulag ini.

Genesis 42:30

“Tinuyaw kami kan gobernador kan Egipto asin pinagdudahan kaming mga espiya sa saiyang daga.

Genesis 42:7

Kan mahiling sinda ni Jose, namidbid niya sinda, alagad dai siya nagpamalisya. Hinapot niya sinda sa maisog na tingog, “Mga taga saen kamo?” “Mga taga Canaan kami asin napadigdi tanganing magbakal nin makakakan,” an simbag ninda.

2 Samuel 19:43

Nagsimbag an mga Israelita, “Sampolong beses kadakul ki sa saindo an samong kahirasan ki Hadeng David, maski kadugo nindo siya. Tadaw ta nagpapalangkaw kamo? Bakong kami an naenot na magsabi na pabalikon an hade?” Alagad mas maringis an mga tataramon kan mga taga Juda ki sa mga taga Israel.

1 Mga Hade 12:12

Pakalihis nin tolong aldaw, si Jeroboam asin an gabos na tawo nagbalik ki Hadeng Rehoboam siring kan sinabi sainda kaini.

1 Mga Hade 12:14

Siring kan hatol kan mga hoben na lalaki, nagsabi siya, “Binugtakan kamo kan sakong ama nin magabat na pasanon; orog ko ining pagagabaton. Naggamit siya saindo nin badas; gagamiton ko saindo an pamakol na may tonok!”

Exodo 10:28

“Humale ka sa atubangan ko,” an sabi niya ki Moises. “Dai ka na magpahiling sako! Sa oras na mahiling taka, magagadan ka!”

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Mga Talinhaga 10:11

An ngoso kan matanos burabod nin buhay, alagad an sa maraot na tawo nagtatago nin kadahasan.

Mga Talinhaga 10:32

An matanos nagtataram kan mahuyong tataramon, alagad an maraot nagtataram kan mga bagay na nakakakulog.

Mga Talinhaga 13:20

Mag-iba ka sa madonong nganing ika magin madonong; kun makipagkatood ka sa lolong mapapahamak ka.

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Mga Talinhaga 18:23

An dukha magalang kun makiolay, alagad mayong galang kun magsimbag an mayaman.

Parahulit 10:12

An tataramon nin sarong madonong na tawo nagdadara saiya nin kaomawan; alagad an lolong nararaot kan sadiri niyang mga tataramon.

Parahulit 2:19

asin siisay an makakasabi kun siya magigin madonong o lolong? Alagad masasadirihan niya an gabos kong pinagpagalan asin ginamitan nin kadonongan sa kinaban. Ini mayo man nin halaga.

Santiago 3:17

Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.

1 Samuel 20:10

Dangan nagsabi si David, “Siisay an mapaisi sako kun may kaanggotan an pagsimbag saimo kan saimong ama?”