1 Mga Hade 11:36 - Marahay na Bareta Biblia

³⁶ Alagad an sarong tribu itatao ko sa saiyang aking lalaki, tanganing danay akong igwa nin sarong kapagarakian kan sorogoon kong si David na naghahade sa Jerusalem, an syudad na pinili ko tanganing bugtakan kan sakong ngaran.

1 Mga Hade 11:36 ပူးပေါင်းရင်းမြစ်များ

2 Samuel 21:17

Alagad tinabangan si David ni Abisai na aking lalaki ni Zeruias, sinalakay an higante, asin ginadan. Dangan pinasumpa si David kan saiyang mga tawohan na, “Dai ka na nanggad mag-iba samo sa pakilaban. Ika an paglaom nin Israel, asin habo ming mawara ka.”

2 Samuel 22:29

Ika, Kagurangnan, an sakong ilaw; asin pinapaliwanag nin sakong Dios an sakong kadikloman.

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

2 Samuel 7:29

Nakikimaherak ako na bendisyonan mo an sakong kapagarakian tanganing magdanay sinda sagkod pa man sa saimong atubangan; huli ta ika, O Kagurangnan Dios, an nagtaram kaini, asin an saimong bendisyon magdadanay sa sakong kapagarakian sagkod pa man.”

1 Mga Hade 11:13

Alagad dai ko man gabos hahaleon saiya an kahadean; itatada ko saiya an sarong tribu huli ki David na sakong sorogoon, asin huli sa Jerusalem na sakong pinili.”

1 Mga Hade 11:32

Matatada ki Solomon an sarong tribu huli sa sakong sorogoon na si David asin huli sa Jerusalem, an syudad na pinili ko sa gabos na tribu nin Israel.

1 Mga Hade 11:37

Gigibohon takang hade nin Israel, asin ika an maghahade sa gabos na teritoryo na saimong mawoton.

1 Mga Hade 12:17

Alagad pinaghadean ni Rehoboam an mga tawong nag-eerok sa teritoryo nin Juda.

1 Mga Hade 14:21

Naghade sa Juda si Rehoboam na aking lalaki ni Solomon. Kwarenta y unong taon an saiyang edad kan magpoon siyang maghade asin dyes y syeteng taon siyang naghade sa Jerusalem, an syudad na pinili nin Kagurangnan hale sa gabos na teritoryo nin Israel, tanganing duman siya pagsambahon. An ina ni Rehoboam iyo si Naama na taga Ammon.

1 Mga Hade 15:4

Alagad huli ki David, tinawan siya nin Kagurangnan, na saiyang Dios, nin aking lalaki na masalihid saiya sa paghade sa Jerusalem asin tanganing danay na mapapusog an Jerusalem.

1 Mga Hade 2:4

Kun kukuyogon mo siya, ootobon nin Kagurangnan an panugang ginibo niya sako: ‘Kun magigin maimbod sako an saimong kapagarakian dangan kun ootobon ninda an sakong mga pagboot sa bilog nindang puso asin kalag, dai ka mahahalean nin kasalihid sa trono nin Israel.’

1 Mga Hade 8:29

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

1 Mga Hade 9:3

Nagtaram saiya an Kagurangnan, “Nadangog ko an saimong pamibi asin pakimaherak na ginibo mo sa sakong atubang. Kinokonsagra ko an Templong ini na itinugdok mo, bilang lugar na pagsasambahan sako sagkod lamang; babantayan asin aatamanon ko an Templo sa gabos na panahon.

2 Mga Hade 8:19

Alagad habong tunawon nin Kagurangnan an Juda huli kan tipan na ginibo niya ki David asin huli kan panuga niya na magdadanay sa paghahade an kapagarakian.

2 Mga Cronica 12:13

Naghade si Rehoboam sa Jerusalem asin nagdakula an saiyang kapangyarihan bilang hade. Kwarenta y uno na an edad ni Rehoboam kan siya magin hade, asin dyes y syeteng taon siyang naghade sa Jerusalem, an syudad na pinili nin Kagurangnan sa gabos na tribu nin Israel bilang lugar na pagsasambahan saiya. An ina ni Rehoboam iyo si Naama na sarong Ammonita.

2 Mga Cronica 21:7

alagad habong tunawon nin Kagurangnan an kapagarakian ni David, huli kan tipan na ginibo niya ki David asin huli kan panuga niya na magdadanay sa paghahade an saiyang kapagarakian.

Salmo 132:17

Saro sa mga aki ni David an gigibohon kong dakulang hade sa Sion; papadanayon ko digdi an pagkanihade kan sakong pinili.

Hebreyo 12:22

Kundi nagdolok kamo sa Bukid nin Sion asin sa syudad kan buhay na Dios, an langitnon na Jerusalem, na may dai mabilang na mga anghel na maogmang nagtitiripon.

Kapahayagan 21:10

Sinangkoban ako kan Espiritu, dangan dinara ako kan anghel sa alitoktok nin sarong halangkaw na bukid. Ipinahiling niya sako an Jerusalem, an Banal na Syudad na nag-iibaba hale sa langit gikan sa Dios,