1 Mga Hade 11:34 - Marahay na Bareta Biblia

³⁴ Alagad dai ko hahaleon ki Solomon an bilog na kahadean. Mapadagos siya sa saiyang paghahade sagkod na siya buhay huli sa pinili kong sorogoon na si David, na nagkuyog kan sakong mga togon saka pagboot.

1 Mga Hade 11:34 ပူးပေါင်းရင်းမြစ်များ

2 Samuel 7:14

Ako an saiyang magigin ama; siya an magigin aki kong lalaki. Kun magkasala siya, papadusahan ko siya siring kan pagpadusa nin sarong ama sa saiyang aki.

1 Mga Hade 11:31

Sinabihan niya si Jeroboam, “Kuaha an sampolong pedaso, huli ta nagtataram saimo an Kagurangnan, an Dios nin Israel, ‘Hahaleon ko ki Solomon an kahadean, asin itatao ko saimo an sampolong tribu.

1 Mga Hade 11:33

Gigibohon ko ini huli ta isinikwal ako ni Solomon asin nagsamba siya sa mga dayuhan na dios: ki Astarte, an diosa nin Sidon; ki Kemos, an dios nin Moab; asin ki Molek, an dios nin Ammon. Tinalikodan ako ni Solomon; nagkasala siya asin dai niya inotob an sakong mga togon saka mga pagboot, bakong arog kan gibo kan saiyang ama na si David.

1 Mga Hade 11:35

Hahaleon ko an kahadean sa aki ni Solomon asin itatao ko saimo an sampolong tribu.

1 Mga Hade 3:14

Asin kun maglalakaw ka sa sakong dalan huli sa pagkuyog kan sakong mga togon saka pagboot siring kan ginibo kan saimong ama na si David, tatawan taka nin halawig na buhay.”

An Libro ni Job 11:6

Sasabihon niya saimo an mga hilom nin kadonongan; may mga bagay na dai malaladop kan isip nin tawo.

Salmo 103:10

Dai niya kita pinapadusahan sosog sa satong mga kasalan, dai niya kita binabalosan sosog sa satong mga karatan.

Salmo 89:19

Sa sarong bisyon kaidto, nagtaram ka sa saimong maimbod na mga sorogoon, “Tinabangan ko an sarong bantog na soldados; itinao ko an trono sa tawong pinili ko hale sa banwaan.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.