1 Mga Hade 11:33 - Marahay na Bareta Biblia

³³ Gigibohon ko ini huli ta isinikwal ako ni Solomon asin nagsamba siya sa mga dayuhan na dios: ki Astarte, an diosa nin Sidon; ki Kemos, an dios nin Moab; asin ki Molek, an dios nin Ammon. Tinalikodan ako ni Solomon; nagkasala siya asin dai niya inotob an sakong mga togon saka mga pagboot, bakong arog kan gibo kan saiyang ama na si David.

1 Mga Hade 11:33 ပူးပေါင်းရင်းမြစ်များ

1 Mga Hade 11:34

Alagad dai ko hahaleon ki Solomon an bilog na kahadean. Mapadagos siya sa saiyang paghahade sagkod na siya buhay huli sa pinili kong sorogoon na si David, na nagkuyog kan sakong mga togon saka pagboot.

1 Mga Hade 11:4

Kan gurang na si Solomon, dinagka siya kan saiyang mga agom na magsamba sa mga dios-dios. Dai siya nagin maimbod sa Kagurangnan na saiyang Dios, bakong arog kan saiyang ama na si David.

1 Mga Hade 11:9

Kaya naanggot ki Solomon an Kagurangnan huli ta nagtalikod siya sa Kagurangnan, an Dios nin Israel, na duwang beses na nagpahiling saiya

1 Mga Hade 14:8

Kinua ko an kahadean sa kapagarakian ni David asin itinao saimo. Alagad dai ka nagin arog ki David na sakong sorogoon, na nagkuyog kan sakong mga kabotan asin nagsunod sako sa bilog niyang puso, na naggibo sana kan matanos sa sakong atubang.

1 Mga Hade 3:14

Asin kun maglalakaw ka sa sakong dalan huli sa pagkuyog kan sakong mga togon saka pagboot siring kan ginibo kan saimong ama na si David, tatawan taka nin halawig na buhay.”

2 Mga Hade 1:3

Alagad pinagbotan kan anghel nin Kagurangnan an propetang si Elias na taga Tisbe, na sabaton an mga sugo kan hade nin Samaria dangan hapoton, “Tadaw ta mahapot kamo ki Baal-zebub, an dios nin Ekron? Sa paghona nindo, mayo nin dios sa Israel?

2 Mga Hade 21:22

Isinikwal niya an Kagurangnan, an Dios nin saiyang mga ginikanan, asin dai niya kinuyog an mga pagboot nin Kagurangnan.

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

Jeremias 2:11

Igwa daw nin nasyon na nagribay kan saiyang mga dios-dios, maski ngani an mga iyan bakong tunay? Alagad rinibayan ako kan sakong banwaan, ako na nagtao sainda nin kaomawan, irinibay sako an mga dios-dios na dai makakatabang sainda.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 48:13

Dangan ikakasopog kan mga taga Moab si Kemos, na saindang dios-dios, arog kan ikinasopog kan mga taga Israel si Betel, an dios-dios na saindang pinagsarigan.

Jeremias 48:7

“Moab, nanarig ka sa saimong kosog asin yaman, alagad ngunyan maski ika masasakop; mabibihag an saimong dios-dios na si Kemos, kaiba an saiyang mga prinsipe saka mga padi.

Oseas 4:17

An mga taga Israel nadadara na kan kapangyarihan kan mga dios-dios; pabayaan na nindo sinda sa saindang gawe.

Sofonias 1:5

Gagadanon ko an siisay man na nagsasakat sa atop dangan nagsasamba sa aldaw, sa bulan, saka sa mga bitoon. Pupuhoon ko man an mga nagsasamba sako asin nanunuga na magigin maimbod sako, alagad nanunumpa sa ngaran kan dios-dios na si Molec.

Mga Bilang 21:29

Herak man saimo, O Moab! Ini an saimong kataposan, O banwaan nin Kemos! Pinabayaan niyang magin paradulag an saiyang mga aking lalaki Asin an mga aking babae nagin bihag kan hadeng Amoreo.

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”