1 Mga Hade 11:31 - Marahay na Bareta Biblia

³¹ Sinabihan niya si Jeroboam, “Kuaha an sampolong pedaso, huli ta nagtataram saimo an Kagurangnan, an Dios nin Israel, ‘Hahaleon ko ki Solomon an kahadean, asin itatao ko saimo an sampolong tribu.

1 Mga Hade 11:31 ပူးပေါင်းရင်းမြစ်များ

2 Samuel 19:43

Nagsimbag an mga Israelita, “Sampolong beses kadakul ki sa saindo an samong kahirasan ki Hadeng David, maski kadugo nindo siya. Tadaw ta nagpapalangkaw kamo? Bakong kami an naenot na magsabi na pabalikon an hade?” Alagad mas maringis an mga tataramon kan mga taga Juda ki sa mga taga Israel.

1 Mga Hade 12:15

Kaya dai naghinanyog sa banwaan an hade, huli ta iyo ini an kabotan kan Kagurangnan tanganing maotob an itinaram niya ki Jeroboam na aking lalaki ni Nebat huli ki Propeta Ahias na taga Shilo.

1 Mga Hade 14:2

Sinabihan ni Jeroboam an saiyang agom, “Magsagin-sagin kang bako kong agom tanganing dai nin makamidbid saimo, asin magduman ka sa Shilo. Magduman ka ki Ahias, an propetang nagsabi na magigin hade ako sa Israel.

1 Mga Hade 14:8

Kinua ko an kahadean sa kapagarakian ni David asin itinao saimo. Alagad dai ka nagin arog ki David na sakong sorogoon, na nagkuyog kan sakong mga kabotan asin nagsunod sako sa bilog niyang puso, na naggibo sana kan matanos sa sakong atubang.

2 Mga Hade 17:21

Pakatapos na isiblag nin Kagurangnan an Israel sa Juda, ginibong hade kan mga Israelita si Jeroboam na aking lalaki ni Nebat. Dangan ginibo ni Jeroboam na magharayo sinda sa Kagurangnan. Pinapagkasala niya sinda nin makuri.

2 Mga Cronica 10:15

Dai dinangog kan hade an mga tawo huli ta kabotan nin Kagurangnan Dios na mangyari ini tanganing maotob an itinaram niya ki Jeroboam na aking lalaki ni Nebat sa paagi kan propetang si Ahias na taga Shilo.

1 Samuel 15:27

Kan magtalikod si Samuel tanganing maghale, kinapotan ni Saul an saiyang alikboy, asin napakit ini.

1 Samuel 15:28

Sinabihan siya ni Samuel, “Pinakit na saimo nin Kagurangnan an kahadean nin Israel ngunyan na aldaw asin itinao na sa sarong lalaking mas marahay ki sa saimo.