1 Mga Hade 11:29 - Marahay na Bareta Biblia

²⁹ Sarong aldaw, nagluwas si Jeroboam sa Jerusalem asin sinabat siya sa dalan kan propetang si Ahias na taga Shilo. An propeta nakasulot nin bagong alikboy asin sinda sanang duwa an yaon duman sa kahiwasan.

1 Mga Hade 11:29 ပူးပေါင်းရင်းမြစ်များ

Genesis 4:8

Dangan sinabihan ni Cain si Abel, “Magduman kita sa kaomahan.” Kan yaon na sinda duman, ginadan ni Cain an saiyang tugang na si Abel.

2 Samuel 14:6

Igwa ako nin duwang aking lalaki, asin sarong aldaw nag-iwal sinda sa kaomahan; mayo nin siisay man na nakasuhay sainda, asin nagadan kan saro sainda an saiyang tugang.

1 Mga Hade 11:11

Kaya nagtaram an Kagurangnan ki Solomon, “Huli ta dai mo inotob an sakong tipan asin linapas mo an sakong mga pagboot, hahaleon ko saimo an kahadean asin itatao ko sa saro mong opisyal.

1 Mga Hade 12:15

Kaya dai naghinanyog sa banwaan an hade, huli ta iyo ini an kabotan kan Kagurangnan tanganing maotob an itinaram niya ki Jeroboam na aking lalaki ni Nebat huli ki Propeta Ahias na taga Shilo.

1 Mga Hade 12:2

Kan madangog ini ni Jeroboam na aking lalaki ni Nebat, na nagduman sa Egipto tanganing makadulag ki Hadeng Solomon, nagbalik siya hale sa Egipto.

1 Mga Hade 14:2

Sinabihan ni Jeroboam an saiyang agom, “Magsagin-sagin kang bako kong agom tanganing dai nin makamidbid saimo, asin magduman ka sa Shilo. Magduman ka ki Ahias, an propetang nagsabi na magigin hade ako sa Israel.

1 Mga Hade 14:4

Kaya nagduman an agom ni Jeroboam sa harong ni Ahias sa Shilo. Dai na nakakahiling si Ahias huli ta gurang na siyang marahay.

2 Mga Cronica 10:15

Dai dinangog kan hade an mga tawo huli ta kabotan nin Kagurangnan Dios na mangyari ini tanganing maotob an itinaram niya ki Jeroboam na aking lalaki ni Nebat sa paagi kan propetang si Ahias na taga Shilo.

2 Mga Cronica 9:29

An iba pang mga ginibo ni Solomon, magpoon sa kapinonan sagkod sa kataposan, nasusurat sa An Kasaysayan ni Natan na Propeta, asin sa An Propesiya ni Ahias kan Shilo, patin sa An mga Bisyon ni Iddo na Propeta, na nag-iistorya man kan paghahade sa Israel ni Jeroboam na aking lalaki ni Nebat.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.