1 Mga Hade 11:28 - Marahay na Bareta Biblia

²⁸ Si Jeroboam sarong lalaki na igwa nin kakayahan, asin kan mahiling ni Solomon an kahigosan ni Jeroboam sa pagtrabaho, ibinugtak niya ini bilang parapamahala kan mga tawong pirit na pinapagtrabaho sa teritoryo kan mga tribu ni Manases asin ni Efraim.

1 Mga Hade 11:28 ပူးပေါင်းရင်းမြစ်များ

Genesis 47:6

yaon an bilog na daga kan Egipto na pagpipilian mo. Duman mo sinda paerokon sa rehiyon nin Goshen, an pinakamarahay na parte kan daga. Kun igwa sa saindang marahay na magpastor, gibohon mo siyang parapamahala kan sakong mga hayop.”

2 Samuel 19:20

Mahal na Hade aram ko na nagkasala ako, kun kaya ako an naenot na nagdigdi hale sa mga tribu sa amihan tanganing sabaton taka ngunyan.”

1 Mga Hade 11:26

An saro pang tawo na nagrebelde ki Solomon iyo an saro niyang opisyal, na si Jeroboam na aking lalaki ni Nebat, na taga Zereda nin Efraim. Saro nang balo an saiyang ina, na an ngaran si Zerua.

1 Mga Hade 14:7

Bumalik ka asin sabihan mo si Jeroboam kan tataramon na ini para sa saiya kan Kagurangnan, an Dios nin Israel: ‘Pinili taka sa kadaklan, asin ginibong pamayo kan sakong banwaan na Israel.

1 Mga Hade 5:16

An mga kapatas na ibinugtak niya tanganing mamahala kan mga trabaho uminabot sa bilang na tres mil tres syentos.

Mga Talinhaga 22:29

Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Isaias 14:25

Tutunawon ko an mga taga Asiria na nasa sakong daga nin Israel, asin titimaktimakan ko sinda sa sakong kabukidan. Tatalingkasan ko an sakong banwaan sa sakal kan mga taga Asiria asin sa saindang mga magabat na pasan.

Amos 5:6

Magdolok kamo sa Kagurangnan, asin mabubuhay kamo. Kun dai kamo magdolok saiya, maabot siya sa banwaan nin Israel siring sa kalayo. Susuloon kan kalayong iyan an mga taga Betel, asin mayo nin siisay man na makakasigbo kaiyan.

Zacarias 10:6

“Papakosogon ko an banwaan nin Juda; ililigtas ko an banwaan nin Israel. Maheherakan ko sinda asin ibabalik ko sinda sa saindang harong. Sinda magigin garo dai ko man sana tinalikodan. Ako an Kagurangnan na saindang Dios; sisimbagon ko an saindang mga pamibi.

Mateo 11:30

Huli ta masayon an sakuyang sakal asin magian an pasanon ko.”

Deuteronomio 1:12

Alagad solo sana ako, kaya paano kong madadara an gabat nindo asin kan saindong mga kaso?

Josue 18:5

Babangaon ninda sa pitong parte an bilog na daga; mag-eerok si Juda sa saiyang teritoryo sa habagat, asin si Jose sa saiyang teritoryo sa amihan.