1 Mga Hade 11:24 - Marahay na Bareta Biblia

²⁴ asin nagin lider nin sarong grupo nin mga tulisan. (Nangyari ini pakatapos na madaog ni David si Hadadezer asin magadan an mga kaalyansa niyang taga Siria.) Nagpasiring sa Damasco si Rezon kaiba an saiyang mga tawohan asin duman sinda nag-erok. Duman ginibo siyang hade nin Siria kan saiyang mga tawohan.

1 Mga Hade 11:24 ပူးပေါင်းရင်းမြစ်များ

Genesis 14:15

Pag-abot ninda duman, binaranga ni Abram sa nagkapirang grupo an saiyang tawohan, asin pagkabanggi sinalakay ninda an kalaban na saindang dinaog. Linamag niya sinda sagkod sa Hobah, sa amihan kan Damasco

2 Samuel 10:18

asin napasibog kan mga Israelita an mga Siro. Si David asin an saiyang mga tawohan nakagadan nin syete syentos na mga taga Siria na nakakarwahe asin kwarenta mil na mga nakakabayo. Nalugadan ninda si Sobac, an pamayo kan mga kaiwal, asin nagadan siya duman.

2 Samuel 10:6

Kan nahiling kan mga Ammonita na nagin kaiwal ninda si David, tinandanan ninda an beynte mil na soldados nin Siria hale sa Bet-rehob asin sa Zoba, an dose mil na kalalakihan hale sa Tob, asin an hade nin Maaca, kaiba an sangribong tawohan niya.

2 Samuel 10:8

Nagruluwas an mga Ammonita asin nagtirindog sa pakilaban duman sa palaog sa Rabba, an saindang pangenot na syudad, mantang yaon sa kahiwasan an mga taga Siria asin an kalalakihan na hale sa Tob saka Maaca.

2 Samuel 8:3

Dangan dinaog ni David si Hadadezer na aking lalaki ni Rehob, asin hade nin Zoba. Pasiring kaidto si Hadadezer sa teritoryo sa may Salog nin Eufrates huli ta boot niya giraray na masakop an teritoryong idto.

1 Mga Hade 11:25

Nagin kaiwal kan Israel si Rezon sa bilog na panahon kan paghahade ni Solomon.

1 Mga Hade 15:18

Kaya kinua ni Asa an gabos na plata saka bulawan na natada sa Templo asin sa palasyo, dangan ipinadara niya sa Damasco. An saiyang mga opisyal iyo an nagdara kan mga bagay na ini ki Hadeng Ben-hadad nin Siria, na aking lalaki ni Tabrimon asin makoapo ni Hezion. Siring kaini an ipinasabi ni Asa:

1 Mga Hade 19:15

Nagsabi an Kagurangnan, “Bumalik ka sa kalangtadan na harani sa Damasco, dangan lumaog ka sa syudad saka lahidan mo si Hazael bilang hade nin Siria;

1 Mga Hade 20:34

Nagsabi saiya si Ben-hadad, “Ibabalik ko saimo an mga syudad na kinua kan sakong ama sa saimong ama. Pwede kang magpatindog nin mga tindahan sa Damasco, arog kan ginibo kan sakong ama sa Samaria.” Nagsimbag si Ahab, “Sa siring na mga kondisyon, tatalingkasan taka.” Nakipagtipan si Ahab ki Ben-hadad dangan pinahale na niya.

2 Mga Hade 14:28

An iba pang ginibo ni Jeroboam Ika Duwa, an saiyang kaisogan, an saiyang mga pakigera, asin an pagkabawi niya sa Damasco saka sa Hamat para sa Israel, gabos nasusurat sa An Kasaysayan kan mga Hade nin Israel.

2 Mga Hade 8:7

May helang si Hadeng Ben-hadad nin Siria kan magduman si Eliseo sa Damasco. Kan maosipan an hade na yaon duman si Eliseo,

Mga Gibo 9:2

asin naghagad nin mga surat nin pagpamidbid para sa mga sinagoga sa Damasco, nganing kun igwa duman nin mga parasunod kan Dalan nin Kagurangnan, lalaki man o babae, dadakopon niya saka ibabalik sa Jerusalem.