1 Mga Hade 11:13 - Marahay na Bareta Biblia

¹³ Alagad dai ko man gabos hahaleon saiya an kahadean; itatada ko saiya an sarong tribu huli ki David na sakong sorogoon, asin huli sa Jerusalem na sakong pinili.”

1 Mga Hade 11:13 ပူးပေါင်းရင်းမြစ်များ

1 Mga Hade 11:14

Kaya an Kagurangnan nagbugtak nin sarong kaiwal ni Solomon na iyo an Edomitang si Hadad, na gikan sa pamilya nin mga hade sa Edom.

1 Mga Hade 11:32

Matatada ki Solomon an sarong tribu huli sa sakong sorogoon na si David asin huli sa Jerusalem, an syudad na pinili ko sa gabos na tribu nin Israel.

1 Mga Hade 11:39

Huli kan kasalan ni Solomon, papadusahan ko an mga kapagarakian ni David, alagad bakong sagkod lamang!’”

1 Mga Hade 12:17

Alagad pinaghadean ni Rehoboam an mga tawong nag-eerok sa teritoryo nin Juda.

1 Mga Hade 12:19

Magpoon kaidto sagkod ngunyan nagin rebelde an Israel laban sa paghahade kan kapagarakian ni David.

1 Mga Hade 12:20

Kan madangog kan bilog na Israel na nagbalik si Jeroboam hale sa Egipto, ipinaapod ninda siya sa katiriponan kan banwaan, asin ginibo siyang hade nin Israel. An tribu sana ni Juda an nagdanay na maimbod sa kapagarakian ni David.

1 Mga Hade 8:29

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

2 Mga Hade 17:18

Huli kaini, an Kagurangnan naanggot nin makuri sa mga Israelita, asin hinale niya sinda sa saiyang panhiling; mayo nin natada kundi an tribu sana ni Juda.

2 Mga Hade 19:34

Susurogon ko an syudad na ini asin iingatan, huli sa sadiri kong kaomawan asin huli sa panuga na ginibo ko ki David na sakong sorogoon.’”

2 Mga Hade 21:4

Naggibo siya nin paganong mga altar sa laog kan Templo, an lugar na sinabi nin Kagurangnan na dapat pagsambahan saiya.

2 Mga Hade 23:27

Nagtaram an Kagurangnan, “Gigibohon ko sa Juda an ginibo ko sa Israel: Paparaon ko sa sakong panhiling an Juda, saka isisikwal ko an Jerusalem, an syudad na pinili ko, asin an Templo, an sinabi kong lugar na pagsasambahan sako.”

2 Mga Hade 8:19

Alagad habong tunawon nin Kagurangnan an Juda huli kan tipan na ginibo niya ki David asin huli kan panuga niya na magdadanay sa paghahade an kapagarakian.

2 Mga Cronica 21:7

alagad habong tunawon nin Kagurangnan an kapagarakian ni David, huli kan tipan na ginibo niya ki David asin huli kan panuga niya na magdadanay sa paghahade an saiyang kapagarakian.

Salmo 132:1

Kagurangnan, giromdoma si David asin an gabos na sakit na saiyang tinios.

Salmo 132:17

Saro sa mga aki ni David an gigibohon kong dakulang hade sa Sion; papadanayon ko digdi an pagkanihade kan sakong pinili.

Salmo 89:49

Kagurangnan, haen na an danay mong pagkamoot kaidto, na isinumpa mo ki David sa saimong pagkamaimbod?

Isaias 14:32

Paano ta sisimbagon an mga sugo na minaabot sato hale sa Filistia? Sasabihan ta sinda na an Kagurangnan an nagpamugtak sa Sion asin nakakakua nin kaligtasan diyan an saiyang nagtitios na banwaan.

Isaias 62:1

Magtataram ako tanganing pakosogon an boot kan Jerusalem; dai ako magkakaalo sagkod na ligtas na siya, asin nagliliwanag an saiyang kapangganahan siring sa sarong karaba sa pagkabanggi.

Isaias 62:7

Kaipuhan na dai ninda siya pagtawan nin kapahingaloan sagkod na makabalik sa dati an Jerusalem— sarong syudad na inoomaw kan bilog na kinaban.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.