1 Mga Hade 11:11 - Marahay na Bareta Biblia

¹¹ Kaya nagtaram an Kagurangnan ki Solomon, “Huli ta dai mo inotob an sakong tipan asin linapas mo an sakong mga pagboot, hahaleon ko saimo an kahadean asin itatao ko sa saro mong opisyal.

1 Mga Hade 11:11 ပူးပေါင်းရင်းမြစ်များ

1 Mga Hade 11:12

Alagad huli sa saimong ama na si David, dai ko ini gigibohon sa panahon mo kundi sa panahon kan saimong aki.

1 Mga Hade 11:26

An saro pang tawo na nagrebelde ki Solomon iyo an saro niyang opisyal, na si Jeroboam na aking lalaki ni Nebat, na taga Zereda nin Efraim. Saro nang balo an saiyang ina, na an ngaran si Zerua.

1 Mga Hade 11:29

Sarong aldaw, nagluwas si Jeroboam sa Jerusalem asin sinabat siya sa dalan kan propetang si Ahias na taga Shilo. An propeta nakasulot nin bagong alikboy asin sinda sanang duwa an yaon duman sa kahiwasan.

1 Mga Hade 11:31

Sinabihan niya si Jeroboam, “Kuaha an sampolong pedaso, huli ta nagtataram saimo an Kagurangnan, an Dios nin Israel, ‘Hahaleon ko ki Solomon an kahadean, asin itatao ko saimo an sampolong tribu.

1 Mga Hade 12:20

Kan madangog kan bilog na Israel na nagbalik si Jeroboam hale sa Egipto, ipinaapod ninda siya sa katiriponan kan banwaan, asin ginibo siyang hade nin Israel. An tribu sana ni Juda an nagdanay na maimbod sa kapagarakian ni David.

2 Mga Hade 17:15

Isinikwal ninda an saiyang mga katukdoan, dai ninda kinuyog an tipan na ginibo niya sa saindang mga ginikanan, asin dai ninda dinangog an saiyang mga patanid. Sinamba ninda an mayong halagang mga ladawan asin sinda mismo nawaraan nin halaga; inarog ninda an mga gawe kan mga nasyon na nakapalibot sainda, mga gawe na ipinangalad sainda nin Kagurangnan.

2 Mga Hade 17:21

Pakatapos na isiblag nin Kagurangnan an Israel sa Juda, ginibong hade kan mga Israelita si Jeroboam na aking lalaki ni Nebat. Dangan ginibo ni Jeroboam na magharayo sinda sa Kagurangnan. Pinapagkasala niya sinda nin makuri.

Salmo 78:10

Dai ninda inotob an saindang tipan sa Dios; dai sinda naglakaw sa dalan nin saiyang mga togon.

Mga Bilang 14:23

Dai nanggad sinda makakalaog sa dagang ipinanuga ko sa saindang mga ginikanan. Mayo nin siisay sa mga nagsikwal sako na makakalaog duman.

Mga Bilang 14:35

Minasumpa ako na gigibohon ko ini saindo, kamong mga maraot na tawo na nagkasararo tumang sako. An lambang saro saindo magagadan sa kalangtadan na ini. Ako, an Kagurangnan, an nagtaram.’”