1 Mga Hade 11:1 - Marahay na Bareta Biblia

¹ Namoot si Solomon sa dakul na babaeng dayuhan. Pwera sa aking babae kan hade nin Egipto, nag-agom pa siya nin mga babaeng Moabita, Ammonita, Edomita, Sidoneo, asin Heteo.

1 Mga Hade 11:1 ပူးပေါင်းရင်းမြစ်များ

1 Mga Hade 11:8

Nagtugdok man siya nin mga altar tanganing an saiyang mga agom magtutong nin insenso asin magdolot nin mga sakripisyo sa saindang sadiring mga dios.

1 Mga Hade 14:21

Naghade sa Juda si Rehoboam na aking lalaki ni Solomon. Kwarenta y unong taon an saiyang edad kan magpoon siyang maghade asin dyes y syeteng taon siyang naghade sa Jerusalem, an syudad na pinili nin Kagurangnan hale sa gabos na teritoryo nin Israel, tanganing duman siya pagsambahon. An ina ni Rehoboam iyo si Naama na taga Ammon.

1 Mga Hade 14:31

Nagadan si Rehoboam asin ilinubong sa lulubngan kan mga hade sa Syudad ni David. (An saiyang ina iyo si Naama na taga Ammon.) An aki niyang si Abias iyo an nagsalihid saiya bilang hade.

1 Mga Hade 16:31

Bako sanang nagkasala si Ahab arog ki Jeroboam, kundi inagom pa niya si Jezebel na aking babae ni Hadeng Etbaal nin Sidon dangan nagsamba siya ki Baal.

1 Mga Hade 3:1

Nakipag-alyansa si Solomon sa hade nin Egipto kan agomon niya an aki kaini. Dinara niya an prinsesa sa syudad ni David tanganing duman mag-erok sagkod na matapos an pagpatugdok niya kan palasyo, kan Templo, asin kan kudal sa palibot nin Jerusalem.

Esdras 10:44

An mga lalaking ini gabos igwa nin mga dayuhan na agom. Sinuhayan ninda an mga ini asin pinahale kaiba an saindang mga aki.

Esdras 9:1

Pakatapos na magibo an gabos na ini, dinolok ako kan nagkapirang lider kan banwaan nin Israel dangan sinabihan, “An mga tawo, an mga padi, asin an mga Levita dai nagsuhay sa mga tawo na nag-eerok sa kataraed na mga nasyon nin Ammon, Moab, saka Egipto, o sa mga Cananeo, Heteo, Perezeo, Jebuseo saka Amoreo. Inaarog pa ninda an makauuyam na mga gawe kan mga ini.

Esdras 9:2

An mga Judio nag-agom nin mga dayuhan na babae, kaya nadigtaan an banal na banwaan nin Dios. An mga lider saka an mga opisyal iyo an nangenot sa pagkasala.”

Exodo 34:16

dangan tibaad agomon kan saindong mga aking lalaki an saindang mga aking babae, na masugot sainda na magtalikod sako asin magsamba sa saindang mga paganong dios-dios.

Mga Talinhaga 2:16

Makakalikay ka sa maraot na babae na madagka saimo huli kan saiyang mahamis na mga tataramon,

Mga Talinhaga 22:14

Sarong siod an pakidorog sa bakong tunay na agom—dinadakop kaiyan an mga tawong ikinakaongis nin Kagurangnan.

Mga Talinhaga 23:33

May mahihiling kang mga bagay na makangangalas asin dai ka makapag-isip nin marahay, ni makakataram nin malinaw.

Mga Talinhaga 31:3

Dai mo pagsayangon an saimong kosog sa mga babae asin an saimong kwarta sa sainda; ipapahamak ninda an hade.

Mga Talinhaga 6:24

Ililikay ka kaini sa maraot na babae, sa mahamis na dila kan agom nin ibang lalaki.

Mga Talinhaga 7:5

Ililikay ka ninda sa babaeng may agom, sa babaeng may mahahamis na mga tataramon.

Levitico 18:18

Dai nindo pag-agomon an tugang na babae kan saindong agom mantang nabubuhay pa ini.

Deuteronomio 17:17

An hade dai dapat magkaigwa nin dakul na agom huli ta sinda an madara saiya na talikodan an Kagurangnan; dai siya dapat magpayaman sa plata asin sa bulawan.