1 Mga Hade 10:5 - Marahay na Bareta Biblia

⁵ Nahiling niya an pagkakan sa saiyang lamesa, an mga erokan kan saiyang mga opisyal, an marahay na paglingkod kan saiyang mga sorogoon saka an mga gubing na sulot ninda, an mga naglilingkod sa saiyang lamesa, asin an saiyang mga tinutong na atang na idinodolot niya sa Templo. Nagngalas siya nin marahay sa mga nahiling niya.

1 Mga Hade 10:5 ပူးပေါင်းရင်းမြစ်များ

1 Mga Hade 10:4

Nadangog kan reyna nin Sheba an kadonongan ni Solomon asin nahiling niya an palasyo na saiyang itinugdok.

1 Mga Hade 10:6

Nagsabi siya sa hade, “Totoo an baretang nadangog ko sa sadiri kong daga manongod sa mga gibo mo asin sa saimong kadonongan.

2 Mga Hade 16:18

Hinale kan hade asin sinerahan an pribadong agihan kan hade pasiring sa Templo tanganing mapawili sana niya an emperador nin Asiria.

1 Mga Cronica 26:16

Nanongod ki Suppim saka ki Hosa an trangkahan sa parteng solnopan asin an trangkahan nin Salleket, sa dalan na minapaitaas. An lambang grupo igwa nin talaan na oras nin pagbantay.

1 Mga Cronica 9:18

Sinda an nagbantay kan Trangkahan kan Hade na nasa sirangan. An pinagbantayan ninda kaidto iyo an mga trangkahan kan kampo kan mga Levita.

2 Mga Cronica 23:13

Nahiling niya an bagong hade na nakatindog sa may harigi sa laogan kan Templo, napapalibotan kan mga opisyal kan hukbo saka kan mga paratrompeta. An gabos na tawo maogmang nagkukurahaw asin nagpapatanog kan mga trompeta, mantang an mga paratugtog sa Templo iyo an nangengenot sa selebrasyon. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Cronica 9:4

Nahiling niya an pagkakan sa saiyang lamesa, an mga erokan kan saiyang mga opisyal, an paglingkod kan mga sorogoon kan hade saka an saindang mga gubing, an mga naglilingkod sa lamesa kan hade saka an saindang mga gubing, asin an mga tinutong na atang na idinolot kaini sa Templo. Kaya kanigoan nanggad an saiyang pagngalas.

Ezekiel 44:3

Alagad an naghahadeng prinsipe pwedeng magduman tanganing magkakan nin tinapay sa presensya ko. Sa paglaog asin pagluwas niya, kaipuhan na sa kwartong agihan palaog siya mag-agi.”

Ezekiel 46:2

Hale sa patyong nasa luwas, an prinsipe malaog sa dakulang kwarto sa may trangkahan, dangan matindog sa may harigi kan trangkahan, mantang an mga padi nagdodolot kan mga tinutong na atang saka mga atang para sa katoninongan. Duman siya sa may trangkahan masamba dangan maluwas; alagad an trangkahan dai seserahan sagkod magbanggi.

Lukas 18:10

“May duwang tawong nagduman sa Templo tanganing mamibi; an saro Fariseo asin an saro parasingil nin buhis.

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.