1 Mga Hade 10:4 - Marahay na Bareta Biblia

⁴ Nadangog kan reyna nin Sheba an kadonongan ni Solomon asin nahiling niya an palasyo na saiyang itinugdok.

1 Mga Hade 10:4 ပူးပေါင်းရင်းမြစ်များ

1 Mga Hade 10:3

Sinimbag ni Solomon an gabos na kahapotan niya; mayo nin hapot na dipisil para saiya.

1 Mga Hade 10:5

Nahiling niya an pagkakan sa saiyang lamesa, an mga erokan kan saiyang mga opisyal, an marahay na paglingkod kan saiyang mga sorogoon saka an mga gubing na sulot ninda, an mga naglilingkod sa saiyang lamesa, asin an saiyang mga tinutong na atang na idinodolot niya sa Templo. Nagngalas siya nin marahay sa mga nahiling niya.

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

Parahulit 12:9

Nin huli ta madonong an Parahulit, padagos niyang tinukdoan an mga tawo kan naaaraman niya. Nag-adal siya nin mga talinhaga asin binalo niya nin marahay an katotoohan kan mga iyan.

Mateo 12:42

Sa Aldaw nin Paghukom matindog an Reyna nin Sheba saka mahukom saindo, huli ta nagbaklay siya hale sa mga poro kan daga tanganing madangog sana an kadonongan ni Solomon; asin uya an mas dakula pa ki Solomon!

Mateo 6:29

Alagad sinasabihan ko kamo, dawa si Solomon sa bilog niyang kamurawayan, dai pa nakagubing nin arog kagayon kan saro kan mga liryong ini.

Lukas 12:27

Masdan nindo kun paano an pagtalubo kan mga liryo; dai sinda nagtatrabaho o nagtatahi kan gubing ninda. Alagad sinasabihan ko kamo na maski si Solomon, sa bilog niyang kamurawayan, dai pa nakagubing nin arog kagayon kan saro kan mga burak na ini.