1 Mga Hade 10:29 - Marahay na Bareta Biblia

²⁹ Ipinabakal ninda an lambang karwahe sa kantidad na seis syentos na pedaso nin plata asin syento singkwenta an lambang kabayo. An mga karwahe asin mga kabayo ipinabakal ninda sa mga hade kan mga Heteo saka kan mga taga Siria.

1 Mga Hade 10:29 ပူးပေါင်းရင်းမြစ်များ

2 Mga Cronica 1:17

Sa Egipto man ninda binarakal an mga karwahe. An mga kabayo saka mga karwahe ipinabakal ninda sa mga hade kan mga Heteo asin sa mga hade sa Siria sa kantidad na seis syentos na pedaso nin plata an lambang karwahe, asin syento singkwenta an lambang kabayo.

Oseas 12:10

“Nagtaram ako sa mga propeta asin tinawan ko sinda nin mga bisyon, asin sa paagi kan mga propeta, pinatanidan ko an sakong banwaan.

Malakias 1:1

Iyo ini an mensaheng itinao nin Kagurangnan ki Malakias tanganing isabi sa banwaan nin Israel.

Josue 1:4

Magpoon sa kalangtadan sa habagat, an saindong pagdolonan makakaabot sagkod sa kabukidan nin Lebanon sa amihan; magpoon sa Salog nin Eufrates sa sirangan pasiring sa daga kan mga Heteo, sagkod sa Dagat nin Mediteraneo sa solnopan.

1 Samuel 26:6

Hinapot ni David si Ahimelec na Heteo, asin si Abisai na tugang ni Joab (an ina ninda iyo si Zeruias), “Siisay sa saindong duwa an maiba sako pasiring sa kampo ni Saul?” “Ako,” an simbag ni Abisai.