1 Mga Hade 10:26 - Marahay na Bareta Biblia

²⁶ Nagtipon si Solomon nin dakul na karwahe asin kabayo: mil kwatro syentos an saiyang mga karwahe asin dose mil an nakakabayong mga soldados. An iba sainda ibinugtak niya sa Jerusalem asin an natada ibinugtak niya sa manlaen-laen na syudad.

1 Mga Hade 10:26 ပူးပေါင်းရင်းမြစ်များ

1 Mga Hade 4:26

Igwa si Solomon nin kwarenta mil na kwadra para sa saiyang pangkarwaheng mga kabayo asin dose mil para sa mga nakakabayong mga soldados.

1 Mga Hade 5:6

Kaya magpadara ka sa Lebanon nin mga lalaki tanganing magpulak nin mga sedro para sako. Babayadan ko an saimong mga tawohan kan kantidad na sabihon mo. Matabang sana sainda an sakong mga tawohan huli ta aram mong mayo kaming mga marahay na parapulak nin kahoy arog kan mga taga Sidon.”

1 Mga Hade 9:19

an mga syudad na sarayan kan saiyang mga kagamitan, an mga syudad para sa saiyang mga kabayo saka mga karwahe, sagkod an gabos na binoot niyang itugdok sa Jerusalem, sa Lebanon, patin sa gabos na dagang sakop niya.

2 Mga Cronica 9:25

Igwa man si Solomon nin kwatro mil na kwadra para sa mga kabayo saka mga karwahe, dangan dose mil na mga parakabayo. An iba kaini ibinugtak niya sa Jerusalem asin an iba ibinugtak niya sa manlaen-laen na syudad.

Isaias 2:7

An saindang daga pano na nin plata saka bulawan, asin daing ontok an saindang pagyaman; an saindang daga pano na nin mga kabayo, asin dai na mabilang an saindang mga karwahe.

Deuteronomio 17:16

An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.