1 Mga Hade 10:24 - Marahay na Bareta Biblia

²⁴ asin an bilog na kinaban nagmawot na makaatubang ki Solomon tanganing hinanyogon an kadonongan na itinao nin Dios saiya.

1 Mga Hade 10:24 ပူးပေါင်းရင်းမြစ်များ

1 Mga Hade 10:1

Nadangog kan reyna nin Sheba an kabantogan ni Solomon, kaya nagduman siya tanganing baloon si Solomon sa paagi nin mga dipisil na hapot.

1 Mga Hade 3:12

itatao ko an saimong hinagad. Tatawan taka nin kadonongan asin pakasabot na orog ki sa mga naenot na saimo o sa mga masurunod pa saimo.

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Hade 3:9

Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

2 Mga Cronica 1:11

Nagsimbag an Dios ki Solomon, “Tama an pinili mo. Embes na maghagad ka nin pagsadiri, kayamanan, kaomawan, o an buhay kan saimong mga kaiwal, o an halawig na buhay para saimo, hinagad mo an kadonongan asin pakaaram tanganing paghadean mo an sakong banwaan, na binoot kong paghadean mo.

2 Mga Cronica 1:12

Tatawan taka nin kadonongan asin pakaaram. Laen pa kaiyan, tatawan taka nin kayamanan, pagsadiri saka kabantogan na dai pa nakamtan nin siisay man na hade kaidto, ni makakamtan pa ngapit.”

Mga Talinhaga 2:6

Huli ta an Kagurangnan iyo an nagtatao nin kadonongan; siya an nagtutukdo nin pakaaram asin pakasabot.

Ezekiel 16:14

Nabantog ka sa lambang nasyon huli kan saimong mayong kaninan na kagayonan, huli ta ako an nagpagayon saimo.” Ini an tataramon nin Kagurangnan Dios.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 2:23

Inoomaw taka asin ginagalangan, Dios nin sakuyang mga ginikanan. Ika an nagtao sako nin kosog asin kadonongan; sinimbag mo an sakong pamibi asin ipinahiling samo an isasabi sa hade.”

Daniel 5:11

Igwa nin sarong lalaki sa saimong kahadean na igwa kan espiritu kan banal na mga dios. Kan an saimong ama iyo pa an hade, ipinahiling kan lalaking ini an marahay na kaisipan, pakaaram asin kadonongan arog kan kadonongan kan mga dios. Ginibo siyang pamayo kan mga parahula, salamangkero, madonong saka mga astrologo ni Hadeng Nebukadnezzar, na saimong ama.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.