1 Mga Hade 10:12 - Marahay na Bareta Biblia

¹² An mga kahoy ginibo ni Solomon na mga harigi kan Templo asin kan palasyo; ginibo man niya iyan na mga lira asin arpa para sa mga paraawit. Mayo na nin nag-abot o nahiling na kahoy na almug sagkod ngunyan.)

1 Mga Hade 10:12 ပူးပေါင်းရင်းမြစ်များ

2 Samuel 6:5

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Kagurangnan. Nagtugtog sinda nin mga arpa, tamborin, lira, bombo, saka gimbal.

1 Mga Hade 10:11

An mga barko ni Hiram na nagdara nin bulawan hale sa Ofir, nagdara man hale duman nin dakul na kahoy na almug asin mga mahalagang bato.

1 Mga Hade 10:13

Itinao ni Hadeng Solomon sa reyna nin Sheba an gabos na hinagad kaini laen pa kan ibang mga regalo na tudok sa puso na itinao niya saiya. Dangan nagbalik an reyna sa sadiri niyang daga, kaiba an saiyang mga sorogoon.

1 Mga Cronica 23:5

an kwatro mil ginibo niyang mga bantay kan mga trangkahan; saka an kwatro mil ginibo niyang mga parakanta nin kaomawan sa Kagurangnan, na gamit an mga instrumento na ginibo niya para sa katuyohan na iyan.

2 Mga Cronica 9:11

An mga kahoy na algum ginamit ni Hadeng Solomon sa paggibo kan mga hagdan kan Templo asin kan saiyang palasyo; ini man an ginamit niya sa paggibo nin mga lira saka mga arpa para sa mga paraawit. Mayo pang nahiling na arog kaini sa daga nin Juda.)