1 Mga Hade 10:10 - Marahay na Bareta Biblia

¹⁰ Itinao niya ki Hadeng Solomon an mga regalong dara niya: sobra sa kwatro mil na kilo nin bulawan asin dakul na pahamot saka mga mahalagang bato. An halaga kan mga pahamot na itinao niya ki Solomon iyo an pinakadakul sa mga inako na ni Solomon. (

1 Mga Hade 10:10 ပူးပေါင်းရင်းမြစ်များ

Genesis 43:11

Nagsabi si Jacob sainda, “Kun siring an dapat na mangyari, giboha nindo ini: magdara kamo kan pinakamarahay na mga bunga kan daga bilang regalo sa gobernador: dikit na balsamo, dikit na dugos, mga pahamot asin mira, rekado saka almendras.

1 Mga Hade 10:2

Nag-abot siya sa Jerusalem kaiba an kadakul na sorogoon, mga kamelyo na may kargang mga pahamot, dakul na bulawan saka mga mahalagang bato. Kan mag-abot an reyna, sinaro-saro niya ki Solomon an gabos na hapot na nasa isip niya.

1 Mga Hade 9:14

Sobra sa apat na ribong kilo nin bulawan an ipinadara ni Hiram ki Solomon.

Salmo 68:29

Huli kan saimong Templo sa Jerusalem, an mga hade nagdadara saimo nin mga regalo.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Salmo 72:15

Mabuhay an hade! Itao logod saiya an bulawan nin Sheba; sa gabos na panahon ipamibi logod siya; an bendisyon nin Dios magdanay logod saiya!

Exodo 30:34

Nagtaram an Kagurangnan ki Moises, “Kumua ka nin parareho kadakul na mga pahamot na estakte, onise, galbano asin purong kamangyan.

Mga Talinhaga 20:15

Kadakul kan bulawan asin kan mamahalon na mga bato, alagad an tataramon na may kadonongan sarong pambihirang kayamanan.

Parahulit 2:8

Nagkaigwa man ako nin dakul na plata saka bulawan hale sa mga probinsya na pinaghadean ko. Mga lalaki saka mga babae an nag-awit sa pagpaogma sako; nagkaigwa man ako nin dakul na babae na mawiwilihan nanggad nin siisay man na lalaki.

Mateo 2:11

Paglaog ninda sa harong, nahiling ninda an omboy asin si Maria na saiyang ina. Nagluhod sinda saka nagsamba sa omboy. Dangan idinolot ninda saiya an mga dara nindang regalong bulawan, insenso, asin mira.

Kapahayagan 21:11

nagliliwanag sa kamurawayan nin Dios. Nagliliwanag an syudad siring sa mahalagang bato, arog sa haspeng malinaw siring sa kristal.