1 Mga Hade 1:9 - Marahay na Bareta Biblia

⁹ Sarong aldaw, nagbuno si Adonias nin mga karnero, mga torong baka asin mga pinatabang torilyong baka duman sa Gapo nin Halas, harani sa burabod nin Enrogel. Inalok niya sa saiyang bangkete an ibang aking lalaki ni Hadeng David asin an gabos na opisyal nin Juda.

1 Mga Hade 1:9 ပူးပေါင်းရင်းမြစ်များ

2 Samuel 17:17

Naghahalat si Jonatan na aking lalaki ni Abiatar asin si Ahimaaz na aking lalaki ni Zadok sa burabod sa Enrogel, huli ta habo nindang mahiling sa laog kan syudad. Sarong sorogoon na babae an danay na minaduman asin minaosip sainda kan nangyayari, dangan sinda an minaduman ki Hadeng David saka minaosip saiya.

1 Mga Hade 1:19

Nagbuno siya nin dakul na baka, karnero, asin mga pinatabang torilyong baka. Inalok niya sa bangkete an saimong mga aking lalaki, an padi na si Abiatar, asin si Joab na pamayo kan saimong hukbo, alagad dai niya inalok an aki mong si Solomon.

1 Mga Hade 1:25

Ngunyan na aldaw naghale siya asin nag-atang nin dakul na baka, karnero, asin mga pinatabang torilyong baka. Inalok niya sa saiyang bangkete an gabos mong aking lalaki, si Joab na pamayo kan saimong hukbo, asin an padi na si Abiatar. Sa oras na ini, nagkakarakan asin nag-iirinom sinda sa kaibahan niya asin nagkukururahaw, ‘Mabuhay si Hadeng Adonias!’

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mateo 22:4

Nagsugo naman siya nin ibang mga sorogoon na tinugon, ‘Sabihan nindo an mga imbitado na andam na an bangkete; ipinabuno ko an mga pinatabang baka asin andam na an gabos. Kaya magdigdi na sinda sa bangkete!’

Josue 15:7

hale sa Kapantayan nin Acor minapasiring sa Debir, dangan minaliko paamihan pasiring sa Gilgal, na kahampang kan Dalan nin Adummim sa habagat na parte kan kapantayan. An pagdolonan minaabot sa mga burabod nin En-semes, asin minatapos sa En-rogel;

Josue 18:16

Minaibaba ini pasiring sa pamitisan kan bukid na nakadungaw sa Kapantayan nin Hinnom, sa amihan na poro kan Kapantayan nin Refaim, dangan minapasiring sa habagat, na minaagi sa Kapantayan nin Hinnom, sa habagat kan tukadon kan mga Jebuseo, pasiring sa En-rogel.