1 Mga Hade 1:53 - Marahay na Bareta Biblia

⁵³ Dangan nagsugo si Hadeng Solomon asin ibinaba ninda si Adonias hale sa altar. Nagdolok sa hade si Adonias saka duminuko sa atubangan niya. Sinabihan siya kan hade, “Pwede ka nang magpuli.”

1 Mga Hade 1:53 ပူးပေါင်းရင်းမြစ်များ

2 Samuel 1:2

Sunod na aldaw, uminabot an sarong hoben na lalaki hale sa kampo ni Saul. Sa pagpahiling kan saiyang kamondoan, ginisi niya an saiyang gubing asin binugtakan nin daga an saiyang payo. Nagdolok siya ki David asin nagdapa sa pagtaong galang.

2 Samuel 14:24

Alagad nagboot an hade na dai mag-erok si Absalom sa palasyo. Nagsabi an hade, “Habo kong mahiling siya.” Kaya nag-erok si Absalom sa sadiri niyang harong asin dai nag-atubang sa hade.

2 Samuel 14:28

Nag-erok si Absalom sa Jerusalem sa laog nin duwang taon na dai man lamang nag-atubang sa hade.

2 Samuel 14:33

Kaya nagduman si Joab ki David dangan ipinahayag an sinabi ni Absalom. Ipinaapod ni David si Absalom; nagduman siya asin nagduko kan saiyang payo sa atubangan kan hade. Inako si Absalom kan hade dangan hinadokan.

1 Mga Hade 1:16

Nagduko si Batsheba sa pagtaong galang sa hade asin naghapot si David, “Ano an kaipuhan mo?”

1 Mga Hade 1:31

Nagduko si Batsheba asin nagsabi, “Mabuhay logod sagkod lamang an sakuyang hade na si David!”

1 Mga Hade 1:52

Nagsabi si Solomon, “Kun patunayan niyang saro siyang marahay na tawo, maski sarong buhok sa saiyang payo dai matatakdag sa daga; alagad kun bako, magagadan siya.”

1 Mga Hade 2:1

Kan madali nang magadan si David, inapod niya an aki niyang si Solomon asin itinao niya saiya an huring mga togon:

1 Mga Hade 2:36

Dangan ipinaapod kan hade si Simei asin sinabihan, “Magtugdok ka nin harong digdi sa Jerusalem. Mag-erok ka digdi asin dai ka nanggad maghale sa syudad.

Mga Talinhaga 24:21

Aki ko, matakot ka sa Kagurangnan saka omawon mo an hade. Dai ka mag-ayon sa mga tawong nagtutumang sainda;