1 Mga Hade 1:50 - Marahay na Bareta Biblia

⁵⁰ Natakot si Adonias ki Solomon; nagdalagan siya pasiring sa altar asin pinugol an mga sungay kan altar.

1 Mga Hade 1:50 ပူးပေါင်းရင်းမြစ်များ

1 Mga Hade 1:49

Dangan tarakot na nagtirindog an gabos na bisita ni Adonias asin saro-sarong nagharale.

1 Mga Hade 1:51

Igwa nin nagsabi ki Solomon, “Natatakot si Adonias saimo Mahal na Hade. Nakapugol siya sa mga sungay kan altar dangan nagsabi, ‘Kaipuhan magsumpa ngona sako si Hadeng Solomon na dai niya ako ipapagadan.’”

1 Mga Hade 2:28

An pangyayaring ini nakaabot ki Joab. (Nag-apil siya ki Adonias, alagad dai siya nag-apil ki Absalom.) Kaya nagdulag siya pasiring sa Tabernakulo asin nagpugol sa mga sungay kan altar.”

Salmo 118:27

An Kagurangnan iyo an Dios; siya an nagtao sato nin liwanag. Kapot an mga sanga, poonan na nindo an pyesta asin maglibot kamo sa altar.

Exodo 21:14

Alagad kun tinuyong salakayon an sarong tawo tanganing pasaluib na gadanon, an nakagadan kuahon nindo dangan gadanon maski nakatago na siya sa sakong altar.

Exodo 27:2

An ibabaw kan apat na kanto kan altar, pormahan nindo na garo mga sungay. Ini gibohon na magin sarong pedaso sana sagkod an altar dangan patoson nindo nin bronse an bilog na altar.

Exodo 30:10

Sarong beses sa taon gigibohon ni Aaron an seremonya nin paglinig kan altar; an mga sungay kaini lalahidan niya kan dugo kan inatang sa pagbayad nin kasalan. Gibohon nindo ini sa gabos na panahon. An altar na ini kaipuhan na magin banal, konsagrado sa sako. Ako an Kagurangnan.”

Exodo 38:2

An ibabaw kan apat na kanto kan altar pinorma niya na garo mga sungay; ini sarong pedaso sana sagkod an altar. Dangan pinatos niya sa bronse an bilog na altar.

Ezekiel 43:15

Ining pinakaitaas na parte kan altar na tinututongan kan mga dolot duwang metros an langkaw. An mga sungay na nasa apat na kanto kan altar mas halangkaw ki sa altar.