1 Mga Hade 1:5 - Marahay na Bareta Biblia

⁵ Kan panahon na iyan, si Adonias na an ina iyo si Haggit naghambog na magigin hade siya; nag-andam siya para sa sadiri niya nin mga karwahe, mga nangangabayo, asin singkwentang lalaki na masabay saiya kun siya naglalakaw.

1 Mga Hade 1:5 ပူးပေါင်းရင်းမြစ်များ

2 Samuel 15:1

Pakatapos kaini, kuminua si Absalom nin sarong karwahe asin mga kabayo para saiya, saka singkwentang kalalakihan na masabay saiya sa paglakaw.

1 Mga Hade 1:11

Dangan sinabihan ni Natan si Batsheba, na ina ni Solomon, “Dai mo nadangog na si Adonias na aki ni Haggit nagpahayag na siya na an hade asin dai ini aram ni Hadeng David?

1 Mga Hade 1:4

Magayon nin marahay si Abisag asin siya an naglingkod saka nag-ataman sa hade, alagad dai siya dinorogan ni David.

1 Mga Hade 2:13

Dangan nagduman si Adonias na aking lalaki ni Haggit ki Batsheba, na ina ni Solomon. “Nagdigdi ka daw sa katoninongan?” an hapot ni Batsheba. “Iyo,” an simbag ni Adonias,

1 Mga Hade 2:15

Nagsimbag siya, “Naaaraman mong sako an trono asin naghahalat an bilog na Israel na ako an magtukaw bilang hade. Alagad iba an nangyari, asin nagin hade an sakong tugang huli ta ini an kabotan nin Kagurangnan.

1 Mga Hade 2:24

Pinatukaw ako nin Kagurangnan sa trono kan sakong ama na si David; inotob niya an saiyang panuga asin an kahadean itinao niya sako saka sa sakong mga kapagarakian. Minasumpa ako sa ngaran kan buhay na Kagurangnan na magagadan si Adonias ngunyan na aldaw!”

1 Mga Cronica 28:5

Tinawan niya ako nin dakul na aking lalaki, asin sa sainda pinili niya si Solomon na sakong aki na maghade sa Israel, an kahadean nin Kagurangnan.

1 Mga Cronica 29:1

Sinabihan ni David an bilog na katiriponan, “Hoben pa saka kulang pa nin pakaaram an sakuyang aki na si Solomon, na pinili nin Dios. Dakula an trabaho, huli ta an papatindogon bakong palasyo para sa tawo kundi sarong Templo para sa Kagurangnan Dios.

Exodo 9:17

Alagad mapaabaw-abaw ka pa sagkod ngunyan asin habo mo pang tugotan na humale an sakong banwaan.

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Mga Talinhaga 18:12

Mapalangkaw an tawo kun dai pa naabot an kapahamakan, alagad an dalan pasiring sa kaomawan iyo an kapakumbabaan.

Isaias 2:7

An saindang daga pano na nin plata saka bulawan, asin daing ontok an saindang pagyaman; an saindang daga pano na nin mga kabayo, asin dai na mabilang an saindang mga karwahe.

Lukas 14:11

Huli ta an siisay man na nagpapalangkaw, ibababa; an siisay man na nagpapakumbaba, ilalangkaw.”

Lukas 18:14

Sinasabihan ko kamo na an lalaking idto mapuling matanos ki sa Fariseo. Huli ta an nagpapalangkaw, ibababa; alagad an nagpapakumbaba, ilalangkaw.”

Hukom 9:2

na hapoton an kalalakihan sa Shekem, “Arin an marahay saindo: an maglingkod sa setentang mga aking lalaki ni Gideon o sa saro sana? Giromdomon nindo na si Abimelec saindong laman asin dugo.”