1 Mga Hade 1:47 - Marahay na Bareta Biblia

⁴⁷ Laen pa kaiyan, nagsarabat an mga opisyal tanganing itao an saindang paggalang sa satuyang mahal na hade na si David. Nagsabi sinda, ‘Gibohon logod kan saimong Dios na an ngaran ni Solomon magin mas bantog ki sa saimong ngaran asin magin mauswag ki sa saimo an saiyang paghahade.’ Dangan nagduko sa pagsamba si Hadeng David mantang nasa saiyang higdaan

1 Mga Hade 1:47 ပူးပေါင်းရင်းမြစ်များ

Genesis 47:31

Nagsabi si Jacob, “Magsumpa ka na kukuyogon mo ini.” Nagsumpa si Jose, dangan nagduko si Jacob sa may pamayohan kan saiyang higdaan.

2 Samuel 21:3

Kaya inapod ni David an mga taga Gibeon asin sinabihan, “Ano an magigibo ko para saindo? Boot kong mabayadan an karatan na ginibo saindo, tanganing mabendisyonan nindo an banwaan nin Kagurangnan.”

2 Samuel 8:10

sinugo niya si Joram na saiyang aking lalaki sa pagtaong galang asin sa pag-omaw ki David, huli ta dinaog kaini si Hadadezer, na dakul na beses nang nakalaban ni Toi. Dinara ni Joram ki David an mga regalong gibo sa bulawan, plata saka bronse.

1 Mga Hade 1:37

Siring na an Kagurangnan nagin kaibahan kan sakong mahal na hade, ibahan man logod niya si Solomon asin gibohon na magin mas mauswag ki sa saimo an saiyang paghahade.”

Esdras 6:10

tanganing makapagdolot sinda nin maninigong atang sa Dios nin langit asin ikapamibi ninda ako saka an sakong mga aki.

Exodo 12:32

Daraha nindo an saindong mga karnero, mga kanding, sagkod mga baka dangan humale na kamo. Ipamibi man nindo na mabendisyonan ako.”

Lukas 19:38

“Paladan an Hade na minadigdi sa ngaran nin Kagurangnan! Katoninongan sa langit, asin kamurawayan sa kaitaasan!”

Hebreyo 11:21

Huli sa pagtubod, benendisyonan ni Jacob, kan naghihingagdan na siya, an duwang aking lalaki ni Jose; naghungko siya sa saiyang sugkod saka nagsamba sa Dios.