1 Mga Hade 1:40 - Marahay na Bareta Biblia

⁴⁰ Pakatapos, nagsurunod saiya pabalik an mga tawo. Nagkukururahaw sinda sa kaogmahan asin nagtuturugtog nin mga plawta, kaya natanyog an daga huli kan saindang ribok.

1 Mga Hade 1:40 ပူးပေါင်းရင်းမြစ်များ

1 Mga Hade 1:39

Kinua sa Tabernakulo kan padi na si Zadok an laogan kan lana nin oliba asin linahidan si Solomon. Pinatanog ninda an trompeta asin kuminurahaw an gabos na tawo, “Mabuhay si Hadeng Solomon!”

1 Mga Hade 1:41

An makosog na ribok na ini nadangog ni Adonias asin kan saiyang mga bisita kan matatapos na an saindang bangkete. Nadangog ni Joab an tanog kan trompeta asin naghapot siya, “Ano an kahulogan kan ribok na ini sa syudad?”

1 Mga Hade 1:45

dangan linahidan siya ni Zadok saka ni Natan duman sa burabod nin Gihon bilang hade. Inibahan ninda si Solomon pabalik sa syudad asin nagkukururahaw sa kaogmahan an mga tawo. Iyan an ribok na nadangog mo.

2 Mga Hade 11:14

Nahiling niya duman an bagong hade na nakatindog sa may harigi, sosog sa kaugalean, napapalibotan kan mga opisyal kan hukbo asin kan mga paratrompeta. An gabos na tawo maogmang nagkukurahaw saka nagpapatanog kan mga trompeta. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Hade 11:20

Nag-ogma an gabos na tawo; nagin matoninong an syudad pakagadan ni Atalia duman sa palasyo.

Salmo 97:1

Hade an Kagurangnan; mag-ogma logod an daga! Mag-ogma logod an mga baybayon kan dagat!

Daniel 3:5

Madadangog nindo an tanog nin mga trompeta, mga plawta, lira, gimbal, asin arpa, patin nin iba pang mga instrumento. Sa pagpoon kan tugtog, kaipuhan magduruko kamo sa pagsamba kan estatwang bulawan na ipinagibo ni Hadeng Nebukadnezzar.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Lukas 19:37

Kan nagdadangadang na siya sa Jerusalem—palugsot hale sa Bukid nin mga Oliba—an gabos na disipulo nagpoon magpasalamat asin mag-omaw sa Dios sa makosog na tingog huli kan gabos na makangangalas na bagay na nahiling ninda. An sabi ninda,

1 Samuel 11:15

Kaya nagduruman sinda gabos sa Gilgal, asin duman sa banal na lugar, saindang ipinahayag si Saul bilang hade. Nag-atang sinda duman nin dolot para sa katoninongan asin nag-orogma nin marahay si Saul saka an gabos na Israelita.

1 Samuel 4:5

Kan mag-abot sa kampo an Kaban nin Tipan, nagkurahaw sa kaogmahan an mga Israelita, kaya natanyog an daga.